Kwamamaza

Idris Deby yavuze ko ibibazo by’u Burundi bitizwa umurindi n’amahanga

Yanditswe kuya 15-10-2016 saa 13:48' na Jean Pierre Tuyisenge


Perezida wa Tchad Idris Deby yavuze ko Manda ya gatatu ya Perezida Nkurunziza w’u Burundi ikurikije amategeko ndetse ko ibibazo bimaze umwaka byarazahaje icyo gihugu ari ikimenyetso cyo kwivanga kw’ibihugu byo hanze.

Deby ubu uri mu ruzinduko mu Budage, aganira na Radio Deutsche Welle yasobanuye ko manda ya mbere ya Perezida Nkurunziza atayitorewe n’abaturage, ahubwo ko yayitorewe n’Inteko Ishinga Amategeko ku wa 19 Kanama 2005, aza gutorwa n’abaturage mu mwaka wa 2010.

Perezida Nkurunziza yarahiriye kuyobora u Burundi kuri manda itaravuzweho rumwe, ku wa 20 Kanama 2015.

Africanews yanditse iyi nkuru ivuga ko Deby ubu usigaye ari Umuyobozi mukuru w’Umuryango wa Afurika Yunze Ubumwe (AU), yemeza ko ashingiye ku kuba Perezida Nkurunziza yarayoboye Manda imwe yatorewe n’abaturage agifite amahirwe yose yo kwiyamamariza kuyobora.

U Burundi bwinjiye mu bibazo bya Politiki muri Mata 2015, ubwo Perezida Nkurunziza yatangazaga ko aziyamamaza mu matora yaje no gutsinda. Ibi byateye imvururu zatumye abantu 500 bapfa abandi basaga 270,000 bahunga igihugu nkuko byatangajwe n’Umuryango w’Abibumbye.

Mu minsi mike ishize Inteko Ishinga Amategeko yatoye umwanzuro wo kwikura mu Rukiko Mpuzamahanga Mpanabyaha (ICC). Ibi byaje nyuma y’ukwezi kumwe abashinjacyaha b’urwo Rukiko batangaje ko bagiye gukora iperereza ku byaha by’ihungabana ry’uburenganzira bwa muntu mu Burundi.

Guverinoma y’u Burundi yahagaritse imikoranire n’Ishami ry’Umuyango w’Abibumbye ryita ku burenganzira bwa muntu ndetse itesha agaciro iperereza ryabukorwaho muri iki cyumweru. Ku wa 20 Nzweri Umuryango w’Abibumbye wari wasohoye icyegeranyo cyashinjaga iki gihugu gutsikamira uburenganzira bwa muntu.

U Burundi bwashinje Loni gukora icyegeranyo cy’igicurano ndetse kitanafite ibimenyetso. Amagana y’Abarundi yiraye mu mihanda ya Bujumbura yamagana icyo cyegeranyo.

Umuryango w’Ibihugu by’i Burayi na Leta Zunze Ubumwe za Amerika byashyize igitutu ku Burundi, bivuga ko bihagaritse inkunga byabugeneraga kugeza igihe ngo itangazamakuru rizaba ryigenga, Uburenganzira bw’Ikiremwamuntu bwubahirizwa, hari n’inzira ifatika iganisha ku biganiro bigamije amahoro.

Perezida Idris Deby wa Tchad na Pierre Nkurunziza w'u Burundi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved