Perezida wa Ghana yokejwe igitutu n’abamunenga gushyiraho guverinoma y’abaminisitiri 110

Yanditswe na Jean Luc K. Mugisha
Kuya 17 Werurwe 2017 saa 10:40
Yasuwe :
0 0

Perezida wa Ghana, Nana Akufo Addo ntiyorohewe n’abanenga imikorere ye nyuma y’aho ashyizeho guverinoma y’abaminisitiri 110, igikorwa kibaye ku nshuro ya mbere mu mateka y’iki gihugu.

Nana Akufo Addo yatangaje ku wa Gatatu w’iki cyumweru ko ashyizeho abandi baminisitiri 50 n’abanyamabanga ba leta bane, biyongera ku bo yari yashyizeho mbere, ahita agira 110 muri guverinoma.

Inkuru ya BBC itangaza ko hari minisiteri zifite abaministre bagera kuri bane; abo bategetsi bemerewe ibigenwa n’itegeko kubafasha mu mirimo yabo birimo imodoka y’akazi, ubwiteganyirize n’ibindi bihabwa abayobozi bo ku rwego rwabo.

Umuyobozi w’abatavuga rumwe n’ubutegetsi basanzwe ari bakeya mu Nteko Ishinga Amategeko, yagereranyije iyi guverinoma n’’inzovu’ igiye kunyunyuza ubukungu busanzwe bugerwa ku mashyi muri iki gihugu.

Minisitiri w’itangazamakuru muri Ghana Moustapha Hamidi, yasobanuye ishyirwaho ry’abo bayobozi, yemeza ko perezida abakeneye bose kugira ngo bamufashe gukemura ibibazo by’ingutu byugarije iki gihugu.

Ghana ihanganye n’inguzanyo ya miliyari 30 z’amadolari ya Amerika. Ghana iherereye mu kigobe cya Guinea. Ibarura ryakozwe na Banki y’Isi ryerekanye ko ituwe n’abagera kuri miliyoni 25,9.

Perezida mushya wa Ghana, Nana Akufo Addo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244