Kwamamaza

RDC: Abadepite b’Abahutu bamaganiye kure iyicwa rya bene wabo i Lubero

Yanditswe kuya 1-12-2016 saa 11:09' na Ishimwe Israel


Abadepite bo mu bwoko bw’Abahutu batuye mu Mujyi wa Kinshasa muri Repubulika Iharanira Demokarasi ya Congo bamaganye ubwicanyi bukomeje gukorerwa bagenzi babo mu gace ka Lubero, basaba ko imiryango ituye mu Ntara ya Kivu y’Amajyaruguru, agace gakunze kwibasirwa n’imirwano hagati y’amoko kubana mu mahoro.

Ibi babigarutseho kuwa Mbere w’iki Cyumweru, tariki ya 28 Ugushyingo 2016, nyuma y’umunsi umwe abagera kuri 33 biciwe muri teritwari ya Luhanga mu gace ka Lubero.

Perezida w’Ihuriro ry’Abahutu muri Congo, Célestin Vunabandi, yatangarije Radio Okapi ko basaba abatuye muri aka gace ko barushaho kuzana umudendezo muri iki gihugu.

Yagize ati “Twamaganye ibikorwa by’irondakoko, n’ubwicanyi bimaze guhitana ubuzima bw’abatari bake. Twihanganishije kandi imiryango yose y’abagezweho n’ibi byago ndetse no ku baturage bose bo muri Kivu y’Amajyaruguru tugomba guharanira ko bagira amahoro ndetse n’ubwisanzure.”

Aba badepite bavuga ko abakora ibikorwa by’ubwicanyi bagomba gushakirwa ibihano, ndetse bagasaba Guverinoma gutangira iperereza ryimbitse kandi rinyuze mu mucyo kuri ubu bwicanyi.

Bashimangira ko Leta igomba gushyiraho ingamba zizafasha kugarura amahoro n’umutekano mu baturage batuye muri Kivu y’Amajyaruguru, by’umwihariko abo mu bwoko bw’Abahutu barokotse ubwicanyi bwakorewe muri Lubero.

Mu ijwi ryabo basabye Leta gukurikirana abakomerekeye muri ibi bitero, bakanafasha abakuwe mu byabo bakigaragara muri aka gace.

Perezida w’Ihuriro ry’Abahutu muri Congo, Célestin Vunabandi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved