Kwamamaza

RDC: Abakuru b’ibihugu basabye ko hashyirwaho guverinoma y’inzibacyuho

Yanditswe kuya 27-10-2016 saa 10:47' na Rabbi Malo Umucunguzi


Inama y’abakuru b’ibihugu bigize Afurika y’Amajyepfo yashyigikiye umugambi wa Repubulika Iharanira Demokarasi ya Congo, ko amatora yagombaga kuba muri uyu mwaka yigizwa mu 2018, Joseph Kabila akaguma ku butegetsi kugeza abaye.

Ni inama ibaye nyuma y’igihe gito zitavuga rumwe n’ubutegetsi kimwe n’imiryango itari iya leta, bahurije ku masezerano ko amatora y’Umukuru w’Igihugu azaba kuwa 29 Mata 2018.

Gusa benshi mu batavuga rumwe n’ubutegetsi bwa Perezida Kabila ntibabikozwa, ndetse bari bahanze amaso aba bakuru b’ibihugu ko hari icyemezo bafata hagamijwe ko ubutegetsi buhererekanywa mu gihe cyagenwe.

Abakuru b’ibihugu na za guverinoma z’ibihugu byo muri Afurika y’Amajyepfo, kuri uyu wa Gatatu bari i Luanda muri Angola, mu nama yateguwe yiga ku kibazo cy’amatora muri RDC.

Mu bayitabiriye barimo Perezida Joseph Labila wa RDC; Perezida Edgar Lungu wa Zambia; Visi Perezida wa Kenya, William Ruto; Visi Perezida w’u Burundi, Gaston Sindimwo; Perezida wa Congo Brazaville, Denis Sassou-Nguesso; Perezida wa Angola, Edouardo Dos Santos na Perezida wa Tchad ari nawe uyoboye AU, Idris Deby Itno.

Abakurikirana politiki ya Congo bafite impungenge zikomeye ku byazakurikira, ubwo Joseph Kabila azaba arangije manda ye kuwa 19 Ukuboza kandi akaba atemerewe kwiyamamariza indi, mu gihe ibihugu bikomeye byo byiteguye kuyifatira ibihano.

Perezida wa Angola, Edouardo Dos Santos, mu gutangiza iyi nama yavuze ko hakwiye kubaho ukwihangana ku bashaka ubutegetsi aho kwishora mu bikorwa birimo ubugizi bwa nabi, bagategereza hakazakorwa amatora mu buryo bwiza.

Nk’uko Radio Okapi yabitangaje, Perezida Dos Santos yavuze ko gushyiraho guverinoma y’ubumwe bw’igihugu n’iy’inzibacyuho byafasha mu guhosha ibikorwa byo kutishimira uko igihugu kiri kuyoborwa, kuko byafasha mu gusigasira amahoro n’ituze muri RDC.

Ati ‘‘Amahoro n’ituze ni ibintu by’ingenzi ku mibereho isanzwe y’igihugu n’inzego zacyo, kandi bifasha abantu bashya muri politiki kugira uruhare rufatika [...]’’

‘‘[Abashaka kujya ku butegetsi] ni ngombwa kumenya ko bagomba kubikora binyuze muri demokarasi, bakubaha amategeko n’ugushaka kw’abatora,’’

Perezida Dos Santos yasabye abashaka gufata ubutegetsi kwihanganira amezi make y’inyongera, kugira ngo bazabigereho mu ituze aho kunyura mu nzira z’ubugizi bwa nabi kuko abantu biborohera kumenya igihe butangirira ariko ntibamenye igihe buzarangirira.

Abayobozi batandukanye bahuriye muri Angola biga ku bibazo bya Congo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved