RDC: Abasaga 2000 bamaze gufatwa n’icyorezo cya Ebola

Yanditswe na Akayezu Jean de Dieu
Kuya 4 Kamena 2019 saa 09:19
Yasuwe :
0 0

Minisiteri y’Ubuzima muri Repubulika Iharanira Demukarasi ya Congo yatangaje ko abaturage bamaze gufatwa n’icyorezo cya Ebola basaga 2000 kuva cyatangira kugaragara muri iki gihugu mu Ukwakira 2018.

Imibare yashyizwe ahagaragara n’iyi Minisiteri kuri uyu wa Mbere igaragaza ko abantu 2008 aribo bamaze kugaragaza ibimenyetso bya Ebola, muri bo 1.914 nibo byemejwe ko bayirwaye mu gihe 94 baketsweho iki cyorezo.

Ikomeza igaragaza ko “abamaze kwicwa n’iki cyorezo ari 1.346 naho abantu 539 bakingiwe.”

Ishami ry’Umuryango w’Abibumbye ryita ku Buzima, OMS, riherutse gutangaza ko imbaraga zo guhangana n’iki cyorezo zakomwe mu nkokora n’intambara z’imitwe yitwaje intwaro.

CNN yatangaje ko umuganga wari ushinzwe iki cyorezo muri OMS, Dr Richard Mouzoko wakoreraga mu gace ka Butemo muri Kivu y’Amajyaruguru yishwe n’abitwaje intwaro muri Mata uyu mwaka.

Abaturage bashyingura uwishwe na Ebola baba bambaye ibikoresho by'ubwirinzi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza