Kwamamaza

RDC: Abatavuga rumwe n’ubutegetsi barasaba ko habaho inzibacyuho y’amezi 12

Yanditswe kuya 29-11-2016 saa 15:42' na Jean Pierre Tuyisenge


Ihuriro ry’amashyaka atavuga rumwe n’ubutegetsi bwa Repubulika Iharanira Demokarasi ya Congo ryagejeje urwandiko muri Komisiyo y’igihugu y’abepesikopi isaba ko amatora y’Umukuru w’Igihugu n’ay’abadepite yaba mu kwezi kwa Nzeri k’Umwaka utaha wa 2017, ndetse hakanabaho n’Inzibacyuho y’amezi 12 gusa.

Abatavuga rumwe n’ubutegetsi basabye ko amatora y’abayobozi b’Intara yazaba mu kwezi ku Ukwakira muri uwo mwaka nk’uko Radio Okapi yabitangaje.

Amatora y’umukuru w’Igihugu muri RDC yari ateganyijwe kuba ku wa 27 Ugushyingo ntiyaba, manda ya kabiri ari nayo ya nyuma ya Perezida Kabila yagombaga kuzarangira ku wa 19 Ukwakira 2016, ariko Komisiyo y’Igihugu y’amatora CENI yatangaje ko nta bushobozi bwari bwaboneka bwo kuyakora, bituma yimurirwa mu mwaka wa 2018.

Muri urwo rwandiko kandi basaba ko habaho inzibacyuho itagomba kurenza amezi 12, igatangira kandi kubarwa guhera ku wa 20 Ukuboza 2016. Abo kandi basaba ko hakwiye kubaho ibiganiro n’abashyize umukono ku masezerano y’Umuryango wa Afurika yunze Ubumwe.

Ni amasezerano ya Politiki yashyizweho umukono nyuma y’ibiganiro byabaye mu kwezi gushize ku Ukwakira.

Ayo masezerano ateganya ko amatora y’Umukuru w’Igihugu n’ay’Abadepite azaba mu kwezi kwa Mata 2018. Ateganya kandi ko umukuru w’Igihugu uriho azaguma ku butegetsi kugeza muri uwo mwaka hagashyirwaho Guverinoma iyobowe n’umwe mu batavuga rumwe n’Ubutegetsi.

Muri urwo rwandiko ihuriro ryasabye ko muri icyo gihe cy’Inzibacyuho, hashyirwaho guverinoma ndetse umuyobozi akazatoranywa n’abo muri iryo huriro. Abagize iyo guverinoma kandi bagomba kuba ari bamwe mu bashyize umukono ku masezerano yo ku wa 18 Ukwakira, n’abo mu ihuriro ry’abatavuga rumwe n’Ubutegetsi.

Ihuriro rivuga kandi ko guverinoma y’inzibacyuho izaba ifite inshingano zo gutera inkunga amatora.

Urwo rwandiko kandi ruvuga ko komisiyo y’Igihugu y’amatora ikwiye kuvugururwa, kandi ko imfungwa za Politiki , n’abafungiwe ibitekerezo byabo bose barekurwa.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved