RDC: Amatora ya Perezida ashobora kongera kwimurwa

Yanditswe na Cyprien Niyomwungeri
Kuya 13 Gicurasi 2017 saa 06:37
Yasuwe :
0 1

Komisiyo y’Igihugu y’Amatora muri Repubulika Iharanira Demokarasi ya Congo (RDC), yatangaje ko ishobora kwimura amatora y’Umukuru w’Igihugu yari ateganyijwe mu mpera z’uyu mwaka kubera ibikorwa by’ihohoterwa bikorwa n’udutsiko twitwaje intwaro mu gihugu rwagati.

Aya matora yari ateganyijwe mu Ugushyingo umwaka ushize ariko aza kwimurwa na Guverinoma ku mpamvu z’uko yari ikeneye igihe cyo kwandika abatora. Gusa amasezerano yo ku wa 31 Ukuboza 2016, avuga ko mu mpera z’uyu mwaka hazabaho amatora.

Perezida wa Komisiyo y’Igihugu y’Amatora (CENI), Corneille Nangaa, ejo ku wa Gatanu yatangaje ko ibikorwa by’ihohoterwa mu gace ka Kasai byibasira abatavuga rumwe na Perezida Kabila n’izindi nzitizi z’ibikoresho bishobora gutuma amatora yongera kwimurwa.

Mu kwezi gushize ababarirwa muri mirongo baguye mu myigaragambyo yo guharanira ko ibyasinywe mu masezerano yo ku wa 31 Ukuboza byubahirizwa, naho abagera ku bihumbi 20 bahungira muri Angola.

Yasobanuye ko gutegura amatora hutihuti ngo hubahirizwe itariki bishobora gutuma ibiyavuyemo bitavugwaho rumwe ndetse agateza imvururu.

Abatavuga rumwe na Perezida Kabila bavuga ko atinza amatora ngo abone uko ategura referendum izamwemerera kuyobora manda ya gatatu, nubwo we abihakana.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244