RDC: Ebola imaze kwica abantu 900 mu mezi icyenda

Yanditswe na Evariste Nsengimana
Kuya 27 Mata 2019 saa 06:37
Yasuwe :
0 0

Minisiteri y’Ubuzima muri Repubulika Iharanira Demokarasi ya Congo, yatangaje ko icyorezo cya Ebola kimaze guhitana ubuzima bw’abaturage bagera kuri 900 mu mezi icyenda ashize.

Jeune Afrique yanditse ko ku wa Gatanu w’iki cyumweru aribwo iyi Minisiteri yatangaje ko “Kugera ku wa 25 Mata 2019, abantu 1,396 nibo bari bamaze kugaragaza ibimenyetso bya Ebola barimo 1,330 byemejwe ko bayirwaye, abagera kuri 66 bikekwa ko bayirwaye naho 900 yarabishe.”

Iyi Minisiteri ivuga ko muri abo Ebola yagizeho ingaruka harimo inyeshyamba kuko izigera kuri 394 yazishe naho 260 ziri gukorwaho isuzuma.

Muri Kanama 2018 nibwo iki cyorezo cyadutse muri RDC ku nshuro ya 10, cyongeye kwibasira Intara ya Kivu y’Amajyaruguru.

Ni ku nshuro ya kabiri mu mateka icyorezo cya Ebola gihitana abantu benshi nyuma y’uko mu 2014 cyahitanye abarenga ibihumbi 11 mu bihugu bya Guinea, Liberia, Sierra Leone mu Burengerazuba bwa Afurika.

Ebola imaze kwica abantu 900 mu mezi icyenda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza