RDC: Guverinoma nshya yamaganwe itaranatangira imirimo

Yanditswe na Mukaneza M.Ange
Kuya 10 Gicurasi 2017 saa 06:09
Yasuwe :
2 0

Nyuma y’ukwezi Bruno Tshibala agizwe Minisitiri w’Intebe, kuwa Kabiri yashyizeho guverinoma nshya yahise itangira kwamaganwa na bamwe mu batavuga rumwe na leta itaranatangira imirimo yayo.

Benshi mu bayoboraga minisiteri zikomeye zirimo iy’umutekano, ubutabera, ububanyi n’amahanga, ingabo, mine na peteroli ntibigeze bahinduka.

Izi minisiteri z’ingenzi ziganjemo abashyigikiye Perezida Joseph Kabila, bake mu bagize ihuriro ry’amashyaka atavuga rumwe na leta ni bo bahawe imyanya.

Abahawe imyanya kandi na bo ni abakorana bya hafi na Tshibala, wahoze mu ishyaka UDPS ryashinzwe na Etienne Tshisekedi uherutse kwitaba Imana.

Nk’uko Radio Mpuzamahanga y’Abafaransa, RFI yabitangaje iyi guverinoma ntiyigeze yemerwa n’abatavuga rumwe na leta, kuko itubahirije amasezerano yo kugarura amahoro yashyizweho umukono n’impande zombi kuwa 31 Ukuboza 2016.

Mu bishyirwa mu majwi ni uko Tshibala wayishyizeho yagizwe Minisitiri w’Intebe na Joseph Kabila, kandi atari we abatavuga rumwe na Leta bifuzaga.

Ni mu gihe amasezerano yo kugarura amahoro yasinywe nyuma y’ibiganiro byateguwe na kiliziya gatolika, yateganyaga ko Minisitiri w’Intebe agomba guturuka mu batavuga rumwe na leta kandi akaba ari bo bihitiramo.

Minisitiri w'Intebe wa Repubulika Iharanira Demokarasi ya Congo, Bruno Tshibala

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza