Kwamamaza

RDC: Igitero cy’inyeshyamba cyahitanye abantu 10 i Beni

Yanditswe kuya 10-10-2016 saa 12:34' na Hagengimana Philbert


Sosiyete Sivile muri Repubulika Iharanira Demokarasi ya Congo yatangaje ko abantu bagera ku icumi baguye mu mirwano yashyamiranyije ingabo za Leta n’Inyeshyamba bikekwa ko ari iza ADF Nalu mu ijoro ryacyeye.

Iyi mirwano yabereye mu gace ka Boikene, mu Majyaruguru y’Umujyi wa Beni mu Burasirazuba bw’iki gihugu nk’uko Jeune Afrique dukesha iyi nkuru ibitangaza.

Umuyobozi wa Sosiyete Sivile mu gace ka Beni, Gilbert Kambale, yatangaje ko mu bapfuye harimo abasivili umunani bishwe barashwe, umusirikare wa Leta ndetse n’umwe mu barwanyi ba ADF.

Iki gitero kigabwe nyuma y’iminsi ibiri Umuryango Mpuzamahanga urengera uburenganzira bwa muntu (HRW) unenze intege nke za MONUSCO n’iza Repubulika Iharanira Demokarasi ya Congo mu kuburizamo ubwicanyi bukorerwa i Beni.

Ku wa Gatanu tariki ya 7 Ukwakira 2016, HRW yashyize ahagaragara itangazo rinenga uburyo Leta ya Congo n’ingabo za Loni ziri mu butumwa bwo kubungabunga amahoro muri icyo gihugu (Monusco) bitwaye mu kibazo cy’ubwicanyi bumaze imyaka ibiri bukorerwa mu gace ka Beni gaherereye mu Burasirazuba bw’icyo gihugu, bumaze guhitana ubuzima bw’abatari bake.

HRW ivuga ko ifite ubuhamya bwinshi bw’abaturage ndetse na bamwe mu basirikare ba Leta ya Congo (FARDC), bugaragaza ubushobozi buke mu guhagarika ubwicanyi hafi y’aho babaga bafite ibirindiro, byatumye abasivili basaga 50 bagwa i Rwangoma muri Kanama uyu mwaka.

Imiryango itegamiye kuri Leta igira inama Leta ya Congo ndetse n’ingabo za MONUSCO gushaka uburyo bushya kandi bufatika bwo kurinda abaturage bo muri ako gace, kamaze kumenyekana mu ruhando mpuzamahanga nk’ibagiro ry’abantu, dore ko benshi bicishwa intwaro gakondo kandi bakicwa urw’agashinyaguro.

Umutwe wa ADF washinze ibirindiro muri Repubulika Iharanira Demokarasi ya Congo kuva mu 1995. Kuva mu Ukwakira 2014, abantu basaga 700 bamaze kugwa mu ntambara yakunze kwibasira agace ka Beni.

Indi nkuru wasoma:DRC: Leta n’ingabo za MONUSCO banenzwe kunanirwa guhagarika ubwicanyi i Beni

Igitero cyahitanye abantu icumi i Beni birakekwa ko cyagabwe n'inyeshyamba za ADF
Ahashyinguye abasaga 50 baherutse kwicirwa i Beni muri Kanama

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved