Kwamamaza

RDC: Imiryango isaga 600 y’abadipolomate yaheze mu mahanga

Yanditswe kuya 25-10-2016 saa 07:24' na Rabbi Malo Umucunguzi


Imiryango irenga 600 y’abadipolomate ba Repubulika Iharanira Demokarasi ya Congo (RDC) ikomeje kuba mu mahanga nyuma yo kubura ubushobozi bwabafasha gusubira mu gihugu cyabo bamaze gusoza imirimo.

Umuyobozi w’ihuriro ry’aba bari abayobozi bari mu butumwa bwa leta, Thomas Mambo, yatangaje ko bari gutakambira guverinoma ngo ibafashe gukemura icyo kibazo.

Mu kiganiro na Radio Okapi, Mambo yagize ati ‘‘Twatangiriye ku gucyura abari mu Bubiligi, u Buholandi na Luxembourg, ariko abantu ntabwo babasha gutaha kuko ibi bintu byateguwe nabi. Amafaranga yaje gutangwa, ariko kugeza ubu hari nk’umuntu umwe cyangwa babiri baje gutaha. Abandi bose baracyari hariya.’’

Uyu muyobozi avuga ko hari abayobozi bari mu butumwa butandukanye mu mahanga, bwarangiye mu myaka 15 ishize n’ubu bategereje guhabwa amafaranga abacyura, ariko amaso yaheze mu kirere.

Mambo yakomeje agira ati ‘‘Bwa nyuma guverinoma yemeye gutanga $300 000 kugira ngo batangira gutahuka, ariko nta kirakorwa. Mbere naho amafaranga yari yaratanzwe, ariko turasaba abayobozi gucunga neza kuko harimo imbogamizi mu bayobozi bamwe, bacunge kuko uko barekuye amafaranga, harebwe ko akoreshwa neza mu kwishyura abantu, ngo abo badipolomate babashe gutaha.’’

Inyubako ya Minisiteri y'Ububanyi n'Amahanga muri RDC

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved