RDC:Intara ya Tanganyika yibasiwe n’icyorezo cy’iseru

Yanditswe na Kanamugire Emmanuel
Kuya 29 Ukwakira 2016 saa 04:51
Yasuwe :
0 0

Tumwe mu duce tw’Intara ya Tanganyika muri Repubulika Iharanira Demokarasi ya Congo twugarijwe n’icyorezo cy’Iseru.

Uduce dutanu two muri iyi Ntara turimo Ankoro, Kabalo, Manono, Nyemba na Nyunzu ni two twakozweho n’iyi ndwara, nk’uko Radio Okapi yabitangaje.

Dr Juvenal Mukuta, Umukozi wa OMS muri ibi bice yavuze ko ibipimo by’amaraso by’abarwayi byafashwe n’ikigo cy’ubushakashatsi mu by’ubuzima byemeje aya makuru.

Iri shami ry’Umuryango w’Abibumbye ryita ku buzima ryahise ritetegura ibikorwa by’ikingira mu rwego rwo guhashya iyi ndwara, rikaba risaba ababyeyi kwihutira gukingiza abana, hubahirizwa ingengabihe yateguwe.

Dr Juvenal Mukuta, yavuze ko bidakwiye ko abana bakomeza kuzahazwa n’iseru mu gihe inkingo zitangirwa ubuntu. Asaba ababyeyi kwihutira kujyana abana ku bigo nderabuzima bakabakingira.

Iseru ni indwara uterwa na Virusi, umuntu wayanduye akaba ashobora kuyikwirakwiza binyuze mu macandwe, ibimyira cyangwa ibikororwa bye.

Uyirwaye arangwa no kugira umuriro mwinshi, gutukura amaso, kugira impiswi, kuruka n’ibindi.

Ababyeyi basabwe kubahiriza gahunda yo gutanga inkingo ku bana

emma@igihe.rw


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza