RDC: Leta yatangiye gutaka ubushobozi mu gihe hitegurwa amatora ya Perezida

Yanditswe na Jean Pierre Tuyisenge
Kuya 16 Gashyantare 2017 saa 10:15
Yasuwe :
0 0

Minisitiri ushinzwe ingengo y’imari muri Repubulika Iharanira Demokarasi ya Congo, Pierre Kangudia, yatangaje ko guverinoma itabona ingengo y’imari ingana na miliyari 1.8$ yo gukoresha amatora ya 2017, avuga ko ari menshi.

Mu masezerano yahuje iyi guverinoma n’abatavuga rumwe nayo yashyizweho umukono ku wa 31 Ukuboza umwaka ushize, bumvikanye ko amatora ya Perezida wa Repubulika muri iki gihugu azaba mu mpera za 2017.

Aya matora yashyizwe muri icyo gihe nyuma y’uko yari ateganyijwe gukorwa mu Ugushyingo 2016 ariko Komisiyo y’Amatora ikavuga ko ibyangombwa nkenerwa bituma amatora aba bidahari.

Yavugaga ko nibura ikeneye kubanza kubarura abaturage bemerewe gutora bagera kuri miliyoni 3, bigakorwa kugeza muri Nyakanga 2017.

Icyo cyemezo cyarakaje cyane abatavuga rumwe n’ubutegetsi ndetse bamwe batangira kwigabiza imihanda bamagana icyo cyemezo, bagashinja Kabila gushaka kugundira ubutegetsi.

Impande zombi zaje guhurira mu biganiro by’amahoro , bemeranya ko amatora y’umukuru w’iki gihugu agomba kuzakorwa bitarenze uyu mwaka ariko nabwo Perezida Kabila akava ku butegetsi mbere y’uko agera.

Mu gihe umwaka wo gukoramo amatora ari uyu ng’uyu nk’uko bikubiye mu masezerano, leta yo yatangiye kugaragaza ikibazo cy’ubushobozi buke ivuga ko itabona miliyari 1.8 y’amadorali yo gukora ayo matora.

BBC dukesha iyi nkuru ivuga ko abakurikiranira hafi ibyo muri iki gihugu, basanga urupfu rwa Etiennhe Tshisekedi wari uzwiho kudacana uwaka n’ubutegetsi bwa Kabila, rushobora guhangayikira ahazaza h’iki gihugu.

Amatora muri Congo ateza impagarara, mu mwaka ushize imyigaragambyo yamaganaga itinzwa ry’amatora yaguyemo abasaga 50. Ibyo bisa n’ibishimangirwa n’uko amateka y’iki gihugu agaragaza ko kuva cyabona ubwigenge mu 1960 nta na rimwe ubutegetsi burahererekanywa ku bushake.

Perezida Kabila yageze ku butegetsi mu 2001 nyuma y’urupfu rwa se Laurent Desire Kabila. Yatsinze amatora inshuro ebyiri ariko ntiyashaka guhita arekura ubutegetsi kandi Itegeko Nshinga ry’iki gihugu ritamwemerera kuyobora manda zirenze ebyiri.

Perezida Kabila asabwa kuva ku butegetsi mbere y'uko amatora y'umukuru w'igihugu aba mu mpera z'uyu mwaka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244