RDC: Loni igiye gukora iperereza ku bushyamirane bwaguyemo impunzi z’Abarundi 39

Yanditswe na IGIHE
Kuya 17 Mutarama 2018 saa 09:26
Yasuwe :
0 0

Umuryango w’Abibumbye watangaje ko ugiye gukora iperereza ku rupfu rw’impunzi z’Abarundi 39 zaguye mu bushyamirane n’ingabo za leta muri Repubulika Iharanira Dokaraemsi ya Congo.

Ku itariki ya 15 Nzeri 2017 nibwo aba Barundi bapfuye nyuma y’uko ingabo za leta zirashe ku mpunzi ziri mu nkambi iri mu burasirazuba bw’intara ya Kivu y’Amajyepfo. Zari mu myigaragambyo yo gusaba ko bagenzi babo bari batawe muri yombi barekurwa.

Ibiro Ntaramakuru by’Abafaransa, AFP dukesha iyi nkuru bivuga ko Umunya-Nigeria Lt.Gen Chikadibia Isaac Obiakor ariwe uzayobora iri perereza.

Ni iperereza rizanareba ku cyakozwe n’ingabo za Loni zishinzwe kugarura amahoro muri RDC ubwo ubu bushyamirane bwabaga ndetse hagatangwa n’inama.

Izi ngabo zivugwaho kuba zarashatse guhagarika ubu bushyamirane bwaguyemo Abarundi 39 biganjemo abagore n’abana, mu gihe abandi 94 bakomeretse. Umusirikare wa RDC na we ari mu bapfuye.

Ku butaka bwa RDC habarizwa impunzi z’Abarundi zisaga ibihumbi 43, zageze muri iki gihugu kuva mu 2015 ubwo mu Burundi hatangiraga imyigaragambyo y’abatarifuzaga ko perezida Petero Nkurunziza yiyamamariza indi manda.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza