RDC: Minisitiri w’Intebe yabonetse

Yanditswe na Bukuru JC
Kuya 19 Gicurasi 2019 saa 08:57
Yasuwe :
0 0

Perezida wa Repubulika Iharanira Demokarasi ya Congo, Félix Tshisekedi yatangaje ko izina ry’uzaba Minisitiri w’Intebe ryamenyekanye, rikazatangazwa mu cyumweru gitaha.

Ubwo yasangiraga na ambasaderi w’Umuryango w’Ubumwe bw’u Burayi hamwe n’uwa Canada kuri uyu wa Gatandatu, Tshisekedi yagize ati “Umwotsi w’umweru wabonetse”

Abinyujije kuri Twitter, Umuvugizi wa Perezida Tshisekedi Kasongo Mwema Yamba Y’amba na we yagize ati “Abadipolomate babyumvise, Minisitiri w’Intebe yabonetse. Ahasigaye ni ugutegereza mu Cyumweru gitaha.”

Yamba yavuze ko Minisitiri w’Intebe ari umuntu wumvikanyweho n’impande zitandukanye, ni ukuvuga uruhande rwa Tshisekedi nka Perezida n’urwa Joseph Kabila uyoboye ihuriro ry’amashyaka ryagize ubwiganze mu Nteko Ishinga Amategeko.

Ibiganiro birakomeje hagati y’impuzamashyaka CACH ya Tshisekedi n’ihuriro FCC rya Kabila ngo hashakwe n’abandi bazajya muri Guverinoma ihuriweho, nkuko RFI yabitangaje.

Tshisekedi yarahiriye kuyobora Congo tariki 24 Mutarama uyu mwaka. Kuva icyo gihe nta Guverinoma yari yakagiyeho, ibintu byateje umwuka mubi hagati y’abari ku butegetsi n’abatavuga rumwe nabo bashinjwa gusesagura umutungo w’igihugu.

Perezida wa Repubulika Iharanira Demokarasi ya Congo, Félix Tshisekedi yatangaje ko izina ry’uzaba Minisitiri w’Intebe ryamenyekanye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza