Kwamamaza

RDC: Umunyamabanga Mukuru w’Ishyaka UDPS rya Tshisekedi yatawe muri yombi

Yanditswe kuya 11-10-2016 saa 09:14' na Jean Pierre Tuyisenge


Umunyamabanga Mukuru w’Ishyaka UDPS (Union pour la démocratie et le progrès social) Bruno Tshibala, rya Etienne Tshisekedi ritavuga rumwe n’ubutegetsi bwa Repubulika Iharanira Demokarasi ya Congo (RDC), yatawe muri yombi ku Cyumweru tariki ya 9 Ukwakira 2016, ku Kibuga cy’Indege cya N’djili mu Murwa Mukuru Kinshasa.

Umunyamabanga wungirije ushinzwe Itumanaho muri iryo Shyaka Augustin Kibuya, yatangaje ko Bruno yatawe muri yombi n’abashinzwe serivisi z’abinjira n’abasohoka ubwo yashakaga kujya i Bruxelles mu Bubiligi mu nyungu z’Ishyaka rye.

BBC dukesha iyi nkuru, ivuga ko uyu munyamabanga yambuwe Pasiporo ye akajyanwa ahantu hatazwi.

Abayobozi b’iri shyaka batangaza ko bahangayikishijwe n’itabwa muri yombi ry’uwo muyobozi, bagasaba ko yahita arekurwa.

RDC imaze iminsi iri mu bihe bibi bya politiki kuva Perezida Kabila yakongera gutorerwa kuyobora mu mwaka wa 2011.

Tshisekedi w’imyaka 83, yayoboye ku myanya itandukanye ubwo RDC (icyo gihe yari Zaire) yayoborwaga na Mobutu Sese Seko.

Nubwo yari muri guverinoma ya Mobutu, ntibyamujije kumurwanya no kumunenga ndetse ni umwe mu banyapolitiki bayoboye imyigaragambyo imwamagana.

Muri 2011, Tshisekedi yiyamamaje ku mwanya wa Perezida wa Repubulika ahanganye na Joseph Kabila, biza gutangazwa ko yatsinzwe ariko we avuga ko yatsinze ndetse anarahirira iwe mu rugo nka Perezida wa RDC. Icyo gihe Kabila yashyizeho abashinzwe umutekano mu nzira zerekeza kwa Tshisekedi.

Umunyamabanga Mukuru w’Ishyaka UDPS Bruno Tshibala
Etienne Tshisekedi Umuyobozi Mukuru w'Ishyaka rya UDPS

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved