Kwamamaza

RDC: Umutekano muke watumye Loni yimurira ingabo zayo i Kinshasa

Yanditswe kuya 19-10-2016 saa 17:06' na Mukaneza M.Ange


Umuryango w’Abibumbye watangaje ko ingabo zawo ziri mu butumwa bw’amahoro mu burengerazuba bwa Repubulika Iharanira Demokarasi ya Congo zigiye kwimurirwa mu mujyi wa Kinshasa kubera gutinya ko hashobora kwaduka imvururu ziturutse ku gusubika amatora.

Abasirikare bagera kuri 300 n’abapolisi ba Monusco nibo bazoherezwa Kinshasa ahaherutse kubera imvururu zahitanye abantu 49 mu kwezi gushize.

Umuyobozi w’ishami rishinzwe ibikorwa byo kugarura amahoro muri Loni, Herve Ladsous yavuze ko bari gukora imyiteguro ikomeye ndetse bafashe n’ingamba zo gukaza umutekano i Kinshasa.

Nk’uko The EastAfrican yabyanditse, uyu muyobozi yakomeje agaragaza ko imbaraga zabo zishobora kuba nke igihe imvururu zaba zikwirakwiye mu bice byinshi by’umujyi.

Tariki ya 18 Ukwakira 2016, nibwo leta ya Congo n’amwe mu mashyaka atavuga rumwe nayo yitabiriye ibiganiro byo kugarura amahoro bemeranyije kwimura amatora ya perezida.

Bemeje ko amatora azaba muri Mata 2018, kandi Perezida Joseph Kabila akazakomeza kuyobora kugeza kiriya gihe.

Andi mashyaka atavuga rumwe na leta ariko yabyamaganiye kure avuga ko Kabila akwiye kuva ku butegetsi ku itariki ya 20 Ukuboza 2016 kuko aribwo manda ye ya kabiri izarangira.

Intumwa ya Loni muri RDC, Maman Sambo Sidikou yagaragaje ko igihugu kinjiye mu bihe bishobora kuvukamo imvururu zikomeye haramutse hatagize igikorwa.

Joseph Kabila yatangiye kuyobora RDC mu 2001, nyuma y’urupfu rwa se Laurent Desire Kabila, mu 2006 nibwo yatorewe manda ye ya mbere y’imyaka itanu.
Itegeko Nshinga RDC igenderaho ryemerera perezida kuyobora manda ebyiri zonyine.

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved