Sudani y’Epfo: Leta yatangaje ko yiteguye kwakira ingabo za Loni

Yanditswe na Philbert Girinema
Kuya 27 Ugushyingo 2016 saa 05:18
Yasuwe :
0 0

Leta ya Sudani y’Epfo yatangaje ko yiteguye kwakira ingabo z’Umuryango w’Abibumbye igihe icyo ari cyo cyose, nyuma yo kubona ko imvururu zabereye mu Murwa Mukuru, Juba, muri Nyakanga zishobora gusubiza igihugu mu ntambara y’abasivili.

Muri Nzeri 2016 nibwo Perezida Salva Kiir yemeye ko Loni yohereza izindi ngabo ibihumbi bine ziyongera ku bihumbi 12 mu rwego rwo kugarura amahoro muri iki gihugu ariko avuga ko hari byinshi bigomba kubanza gushyirwa ku murongo.

Iki gihugu ariko cyari cyabanje gutera utwatsi umwanzuro wo koherezayo izi ngabo ziturutse mu bihugu bitandukanye bya Afurika, watowe n’Akanama ka Loni gashinzwe umutekano muri Kanama 2015.

Minisitiri wungirije ushinzwe itumanaho, Akol Paul Kordit, yabwiye Reuters ko ku wa Gatanu inama y’Abaminisitiri yemeranyije ku bintu bitandukanye birebana n’umwanzuro n’ishyirwa mu bikorwa ryo kohereza ingabo muri iki gihugu.

Yakomeje avuga ko hari komite igiye gukurikirana ibijyanye na gahunda yo kwakira izi ngabo kandi ko nta mananiza bazashyiraho kuko uriya mwanzuro usobanutse neza kandi icyo bifuza ari ukubona igihugu gikomeza gutera intambwe ijya imbere.

Sudani y’Epfo yabonye ubwigenge mu 2011, nyuma y’imyaka ibiri gusa ariko intambara yaje kurota Kiir ashinje Machar wari Visi Perezida we gushaka kumuhirika ku butegetsi.

Machar yasubiye i Juba muri Mata uyu mwaka nyuma y’uko mu 2015 basinye amasezerano yo guhagarika intambara, bagasaranganya ubutegetsi ndetse bagakora umutwe umwe w’ingabo.

Muri Nyakanga ariko ibintu byongeye kudogera ubwo ingabo zishyigikiye Machar zavugaga ko zagabweho igitero n’ingabo za leta.

Ubwumvikane buke hagati ya Riek Machar na Salva Kiir bwongeye gusubiza igihugu mu bihe bibi

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244