Sudani y’Epfo: Perezida Kiir yirukanye Umuyobozi Mukuru mu ngabo na Minisitiri

Yanditswe na Evariste Nsengimana
Kuya 14 Werurwe 2018 saa 06:00
Yasuwe :
0 0

Perezida wa Sudani y’Epfo, Salva Kiir, yirukanye ku mirimo, Umuyobozi Mukuru mu Ngabo, Gen Marial Chanuong Yol na Minisitiri w’Imari, Stephen Dhieu Dau.

Mu itangazo ryasomewe kuri Televiziyo y’Igihugu ku mugoroba wo ku wa Mbere, nta mpamvu n’imwe Salva Kiir yatangaje yatumye aba bayobozi birukanwa bakanahita basimbuzwa.

Gen Yol bakunze kwita Tiger, yahoze ari umusirikare ukomeye mu barindaga Perezida, umwaka ushize nibwo yari yahawe inshingano zo kuyobora ingabo zishinzwe ibikorwa by’imyitozo n’ubutasi.

Mu 2015, yashyizwe ku rutonde rw’abakoze ibyaha byibasiye inyokomuntu n’akanama ka Loni gashinzwe umutekano.

Naho, Dau yagizwe Minisitiri w’Imari mu 2016 yitezweho kuzahura ubukungu bw’igihugu butari bwifashe neza guhera mu 2015, akaba yahise asimbuzwa uwari umujyanama muri Minisiteri y’Ubucuruzi, Garang Mabiordit.

Imiryango mpuzamahanga ivuga ko amakimbirane yatangiye kuva mu 2011 Sudani y’Epfo yiyomoye kuri Sudani imaze guhitana abantu barenga ibihumbi 100, abarenga miliyoni ebyiri bahungiye mu bihugu biyikikije, abandi miliyoni 1.9 bahungira mu bice bitandukanye imbere mu gihugu.

Kiir yirukanye umwe mu basirikare bakuru na Minisitiri w'Imari

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza