Kwamamaza

Uganda:Umwami wa Rwenzururu yatawe muri yombi nyuma y’Urupfu rw’abarinzi be 46

Yanditswe kuya 28-11-2016 saa 13:10' na Evariste Nsengimana


Igipolisi cya Uganda cyemeje ko abarinzi b’umwami 46 baguye mu gitero cyagabwe ku Ngoro y’Umwami iherereye mu gace ka Rwenzururu mu Karere ka Kasese kuri iki Cyumweru, taliki ya 27 Ugushyingo 2016 ndetse n’Umwami Charles Wesley Mumbere ahita atabwa muri yombi.

Umuvugizi wa Polisi mu Burasirazuba bwa Rwenzori, Mansur Suwed yatangaje ko aba barinzi bishwe ubwo bageragezaga kurwana n’ingabo za Leta, ndetse n’abandi 139 batabwa muri yombi bakaba bacumbikiwe kuri Sitasiyo ya Polisi ya Kasese.

Nyuma y’iki gitero, Umwami wa Rwenzururu, Charles Wesley yatawe muri yombi ashinjwa kugira uruhare mu gitero cyahitanye abantu 55, barimo abarwanyi 41 ndetse n’abapolisi 14 mu mpera z’icyumweru gishize.

Yahise ajyanwa kuri Sitasiyo ya Polisi i Kasese, mbere yo kwerekeza i Kampala aho ari gukorerwa iperereza mbere yo guhura na Perezida Museveni uyu munsi.

Daily Monitor dukesha iyi nkuru itangaza ko i Bwami, Polisi yahasanze ibisasu 16, ibyuma 42, ibikoresho bisaka bitatu, pistori imwe n’ububiko bw’amasasu bubiri, imbunda yo mu bwoko bwa SMG imwe, imipanga 47,n’ ibyombo bine.

Brig Peter Elwelu uyobora UPDF 2nd Division yavuze ko Umwami Mumbere yari yahawe itegeko ry’uko agomba guhosha iyo mirwano no kwaka abarinzi b’i Bwami ibirwanisho mu masaha abiri ntiyabikora.

Yavuze kandi ko Umwami Mumbere yari yemerewe abarinzi icyenda gusa ariko ntiyabyubahiriza.

Brig Elwelu yatangaje ko ibikorwa byakozwe n’abarinzi b’umwami bidatandukanye n’iby’imitwe y’iterabwoba ikomeje gutera umutekano muke mu Karere.

Inyubako z'Ingoro y'Umwami zaratwitswe muri izi mvururu

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved