Kwamamaza

Uganda: Babiri bashyigikiye Trump batawe muri yombi kuri Ambasade ya Amerika

Yanditswe kuya 26-10-2016 saa 09:13' na Jean Pierre Tuyisenge


Polisi muri Uganda yataye muri yombi abagabo babiri bari hafi ya Ambasade ya Amerika, bashinjwa kugerageza gukora imyigaragambyo yo gushyigikira Umukandida wiyamamariza kuyobora Leta Zunze Ubumwe za Amerika, Donald Trump.

Abo bafunzwe barimo Bigirwa Moses na Allan Kitonsa mu gihe bagenzi babo, Kizza Hakim, Kayondo Juma na Nsibuka Harunah bahise biruka. Bose bari bafite ibyapa byanditseho ngo “ Tora Trump”

Ni itsinda ry’abasore batanu biyita abaharanira Demokarasi muri Uganda, bigabye kuri Ambasade ya Amerika iherereye ahitwa Nsambya, bashaka kugaragaza ko bashyikiye Trump mu matora ateganyijwe mu byumweru bibiri biri imbere.

Chimp Reports yanditse iyi nkuru ivuga ko umwe muri abo basore witwa Hakim Kizza yayibwiye ko bifatanyije na Trump.

Ati “ Trump yiyamamaza yavuze ko azarebana n’abayobozi bo ku mugabane wa Afurika bagundiriye ubutegetsi, barimo na Perezida Museveni. Turashaka kumwereka ko tumushyigikiye”.

Aba basore bakihagera, Polisi yababwiye ko batari bwemererwe kwinjira kuko nta ruhushya babiherewe.

Umugambi wabo ugaragara nk’uwapfuye nyuma y’uko Polisi itaye muri yombi babiri muri bo abandi bagahita bahunga. Bigirwa na Kitonsa biravugwa ko baba bafungiye kuri Sitasiyo ya Polisi ya Kabalagala.

Nubwo Umuvugizi wa Polisi mu Mujyi wa Kampala, Emilian Kayima atahise agira icyo avuga kuri ibyo, mu minsi mike ishize yari yatangaje ko badashobora kwemera ko ayo mabi akomeza kuba mu gihugu.

Ati “Bagombaga kwandikira Ambasade hanyuma nayo ikatwandikira, ariko siko byagenze.”

Abagize iri tsinda bari batawe muri yombi mu kwezi gushize bafungirwa kuri Sitasiyo ya Polisi ya Kampala, ubwo bageragezaga kwinjira mu Nteko Ishinga Amategeko barwanya Itegeko ryari ryatowe rikuraho umubare w’imyaka umuntu atagomba kurenza ngo yiyamamarize kuba Perezida.

Mu matora ya Amerika, Donald Trump ahanganye bikomeye n’uwahoze ari Umunyamabanga wa Leta Zunze Ubumwe za Amerika,Hillary Clinton,ku mwanya w’Umukuru w’Igihugu.

Abasore batawe muri yombi
Bari bafite ibyapa byanditse ho ko gutora Trump ari inzira yo guhangana n'abayoboza igitugu muri Afurika

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved