Uganda:Impunzi z’Abarundi zanenze Minisitiri wagiye kuzishishikariza gutaha

Yanditswe na IGIHE
Kuya 16 Gashyantare 2017 saa 07:02
Yasuwe :
0 0

Mu ruzinduko Minisitiri ushinzwe umutekano, Pascal Barandagiye, yagiriye mu nkambi y’impunzi z’Abarundi iherereye ahitwa Nakivale muri Uganda, ku wa 15 Gashyantare, 2017, zagaragaje icyizere gike cyo gusubira mu gihugu cyabo vuba, zivuga ko icyo zahunze kigihari.

Izi mpunzi zagaragaje umujinya no gutesha agaciro uruzinduko rw’umutegetsi wo mu gihugu cy’amavuko nk’uko inkuru ya Jeune Afrique ivuga.

Umwe muri zo yagize ati ““Abategetsi b’u Burundi ntibagira isoni zo kuza aha kudusaba gutaha.Twahunze kubera ko tutemeraga manda ya gatatu ya Perezida Nkurunziza. Aracyahari.Nta mpamvu yo kwiroha mu menyo y’ikirura, muri kiriya gihugu cy’Imbonerakure n’abandi bicanyi.”

Ni nyuma y’ibiganiro by’umwanya muto byahuje impunzi z’Abarundi, Minisitiri Barandagiye n’itsinda bari bari kumwe, bisozwa n’umusangiro ariko ntibyabuza ko izi mpunzi zimunenga ’kuzishinyagurira mu kaga zirimo’.

Pascal Barandagiye we nyuma y’uru ruzinduko yavuze ko u Burundi kugeza ubu buri mu mahoro, mu kiganiro yagiranye n’itangazamakuru i Kampala.

Leta ya Uganda yo ivuga ko gutahuka kw’impunzi z’Abarundi kuzashingira ku bushake bwazo.

Uruzinduko rwa Minisitiri Barandagiye kugeza ubu ngo rurakomeje kuko azakomereza muri Tanzania aho akangurira impunzi zose z’Abarundi gutaha avuga ko zahunze ibihuha.

Pascal Barandagiye(Ifoto yakuwe kuri internet)

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244