Uganda: Iraswa ry’Umuvugizi wa Polisi ryatumye Museveni ategeka ishyirwaho rya Camera mu mijyi

Yanditswe na IGIHE
Kuya 19 Werurwe 2017 saa 12:11
Yasuwe :
0 0

Nyuma y’aho uwari Umuvugizi wa Polisi ya Uganda, AIGP Andrew Felix Kaweesi yishwe arashwe kuwa Gatanu w’iki cyumweru n’abantu bari kuri moto, Perezida Yoweli Museveni yategetse ko mu mijyi yose ikomeye hashyirwa camera zishinzwe kugenzura ibikorwa bijyanye n’umutekano.

Ubwicanyi bukorwa n’abantu bari kuri moto si bushya muri iki gihugu kuko mu mijyi inyuranye bukunda kuhagaragara. Ibi bikaba biri mu byatumye Museveni atanga itegeko ryo kuzengurutsa imijyi yose ikomeye n’imihanda minini camera zicunga umutekano nk’uko Daily Monitor ibitangaza.

Itangazo Museveni yashyize ahagaragara, rivuga ko yamaze gutanga amabwiriza ku bayobozi b’iki gihugu, yo gushyira camera ahantu hose mu mujyi mu rwego rwo gucunga umutekano.

Riti ‘’Twari twarafashe icyemezo cyo gushyira mu bikorwa uyu mushinga (wo gushyiraho za camera) mu bihe byashize, ariko twagiye tubyimura bitewe n’ibyo twabonaga byihutirwa kurusha ibindi nk’imihanda n’amashanyarazi. Ibyo byatumye amabandi yifashisha icyo cyuho, nafashe umwanzuro ndetse ntegeka Minisitiri w’imari gukorana na polisi kugira ngo bahite baziba icyo cyuho.’’

Akomeza avuga ko umutekano w’abaturage kimwe n’abashinzwe umutekano ukwiye kwitabwaho by’umwihariko.

Ati ‘Abagizi ba nabi bagize akamenyero kwica abantu bakoresheje moto; mwibuke ibikorwa nk’ibyo nk’icya Joan Kagezi, Major Kiggundu (Mohammad) n’abayobozi b’abayisilamu (Sheikh) benshi bagiye bicwa mu buryo bumwe nk’ubu. Niba mubonye ibintu nk’ibyo by’umwihariko abica abantu bakoresheje intwaro mukwiye gufata ingamba zifatika zo guhangana nabyo.’

Kaweesi yishwe mu masaha y’igitondo cyo kuwa Gatanu, tariki 17 Werurwe, arashwe n’abantu bataramenyekana bivugwa ko bari kuri moto, barashe amasasu ku modoka yari imutwaye agiye ku kazi ubwo yari avuye iwe i Kulambiro mu Mujyi wa Kampala. Yicanwe n’uwari ushinzwe kumurinda n’umushoferi we.

Museveni yategetse ko mu mijyi yose y'iki gihugu hashyirwa camera zicunga umutekano/Ifoto: Internet

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244