Uganda: Museveni yatangaje ko inzego z’umutekano zinjiwemo n’abagizi ba nabi

Yanditswe na
Kuya 20 Werurwe 2017 saa 10:33
Yasuwe :
1 0

Perezida wa Uganda, Yoweri Museveni yatangaje ko polisi n’izindi nzego z’umutekano zinjiriwe n’abagizi ba nabi, ari na yo mpamvu bigoye gukora iperereza ku bwicanyi bukomeje kugaragara muri iki gihugu.

Ubwo yari mu kiriyo cya AIGP Andrew Kaweesi, wishwe arashwe n’abantu bataramenyekana, ku mugoroba w’ejo hashize, Museveni yavuze ko iteka haba hari ibimenyetso byatuma bagera ku bicanyi ariko kubera ko bamaze gucengera muri polisi, kubageraho ntibikunde.

Museveni wasabye Umuyobozi wa Polisi, Gen Kale Kayihura, gusukura uru rwego yavuze ko n’abaturage basigaye batinya gutanga amakuru kugira ngo batagirirwa nabi.

Yakomeje avuga ko Urwego rushinzwe ubugenzacyaha (CID), ari rwo rwinjiwemo cyane n’abagizi ba nabi; yifashishije urugero rw’umuntu wo mu karere ka Rakai wari warishe abantu bagera ku icyenda aho kugira ngo afungwe hagafatwa abahaga polisi amakuru.

Yavuze ko kandi nk’uko baranduye umutwe wa ADF mu gihugu, batazihanganira aba bicanyi bifashisha moto mu bugizi bwa nabi, bumaze guhitana abarenga 10.

Ati” Tuzabica cyangwa tubate muri yombi. Niba badashaka gupfa, nibishyikirize inzego z’umutekano. Ubu nibwo butumwa bwanjye ku bicanyi. Mugiye gupfa kuko mwishe abaturage bacu.”

Nk’uo Daily Monitor dukesha iyi nkuru yabyanditse, Museveni yanagarutse ku kijyanye no gushyira Camera mu mujyi, aho yashinje abayobozi guharanira kongezwa imishahara aho kugura ibikoresho byifashishwa mu gucunga umutekano.

Yakomeje avuga ko kugura camera byashyizwe muri gahunda kera, ariko guverinoma igakomeza kubisubika kandi mu by’ukuri zitatwara arenze miliyari 400 z’amashilingi.

Kaweesi yishwe mu masaha y’igitondo cyo kuwa 17 Werurwe 2017, arashwe n’abantu batamenyekanye bivugwa ko bari kuri moto, barashe amasasu ku modoka yari imutwaye agiye ku kazi ubwo yari avuye iwe i Kulambiro mu Mujyi wa Kampala. Yicanywe n’uwari ushinzwe kumurinda n’umushoferi we.

Perezida wa Uganda, Yoweri Kguta Museveni yavuze ko gukora iperereza ku bwicanyi bubera muri iki gihugu bigoye kuko inzego z'umutekano zacengewemo n'abagizi ba nabi

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244