Uganda: Umukobwa w’imyaka 16 yitwitse nyuma yo kwangwa n’umugabo babanaga

Yanditswe na Kanamugire Emmanuel
Kuya 24 Ugushyingo 2016 saa 08:52
Yasuwe : XX
0

Umukobwa w’imyaka 16 witwa Salima Nalongo wo mu karere ka Iganga muri Uganda, yajyanwe ku bitaro bya Mulago nyuma yo kwitwika kuko yanzwe n’umugabo babanaga witwa Blacklod Kalidi.

Uwo mukobwa ngo yisutseho peteroli nyuma yuko uwo mugabo amubwiye ko batandukanye agahita amuha ibihumbi 50 by’amashiringi ya Uganda ngo abikoremo impamba.

Daily monitor yanditse iyi nkuru ivuga ko Salima Nalongo usanzwe utuye mu gace ka Butaba muri Buyanga, yabanje kujyanwa mu bitaro bya Iganga Nakavure igice cyo hejuru cyose cyahiye, abaganga baho bamwohereza bu bitaro bya Mulago kuko bavugaga ko batamushobora.

Umuvugizi wa Polisi muri ako gace James Mubi yemeje iby’ayo makuru avuga ko ibyo byatewe n’amakimbirane yo mu rugo , yazamuwe no kuba abo bombi baracanaga inyuma.

Gusa umubyeyi wa Nalongo, Abdallah Kalange, yavuze ko Kalidi n’umukobwa we bari bamaze amezi 12 babana. Ati “ Ndashaka ko uriya muhungu afungwa kuko yahohoteye umwana wanjye. Nageze mu rugo mu cyumweru gishize ndangije igifungo cy’imyaka itanu narimaze muri gereza ya Kirinya, none nakirijwe amakuru mabi.”

Yongeyeho ko amategeko agomba gukora akazi kayo, maze polisi ikagira icyo ikora kuri icyo kibazo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza