Kwamamaza

Uganda: Umwami wa Rwenzururu afunzwe ashinjwa ubwicanyi

Yanditswe kuya 29-11-2016 saa 20:45' na Philbert Hagengimana


Ubushinjacyaha muri Uganda bwemeje ko Umwami wa Rwenzururu, Charles Wesley Mumbere, bumukurikiranyeho icyaha cy’ubwicanyi, nyuma y’urupfu rw’Umupolisi witwa Godfrey Kasimba wishwe muri Werurwe 2016.

Daily Monitor dukesha iyi nkuru yatangaje ko Umwami Mumbere akurikiranyweho icyo cyaha, ndetse Umucamanza mukuru wa Jinja, John Francis Kaggwa, yategetse ko ahita ajyanwa gufungirwa muri Nalufenya kugeza kuwa 13 Ukuboza, ubwo azaba agaruka imbere y’urukiko.

Umwami Mumbere yafashwe ku Cyumweru tariki ya 27 Ugushyingo, nyuma y’imirwano ikaze yaguyemo abarinzi b’i Bwami 46, ubwo bageragezaga guhangana n’ingabo za Uganda (UPDF) ndetse na Polisi.

Godfrey Kasimba yishwe mu ijoro ryo kuwa 23 Werurwe 2016, ubwo yari ari ku burinzi kuri sitasiyo ya Polisi ya Kidodo mu Karere ka Kasese, maze abantu batahise bamenyekana bakagaba igitero bitwaje intwaro gakondo, baKamwica bagatwara n’imbunda yari afite irimo amasasu 30.

Icyo gihe Patrick Twaha wari kumwe ku burinzi na Godfrey Kasimba, na we yarashe umwe muri abo bari bateye ahita apfa, undi we arakomereka.

Ubwo Umwami Mumbere yafatwaga, iwe Polisi yahasanze ibisasu 16, ibyuma 42, ibikoresho bisaka bitatu, n’imbunda nto yo mu bwoko bwa masotera imwe ndetse n’udusanduku tw’amasasu tubiri, imbunda yo mu bwoko bwa SMG imwe, imipanga 47 n’ibyombo bine.

Brig Peter Elwelu uyobora Diviziyo ya Kabiri y’ingabo za Uganda (UPDF 2nd Division) yavuze ko Umwami Mumbere yari yahawe itegeko ry’uko agomba guhosha iyo mirwano no kwaka abarinzi b’i Bwami ibirwanisho mu masaha abiri ntiyabyubahiriza, ibyo bikiyongera ku kuba yari yemerewe abarinzi icyenda gusa, ariko akaba atari yarabyubahirije na byo.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved