Umudepite wihagaritse imbere ya Minisiteri agiye kugezwa mu butabera

Yanditswe na IGIHE
Kuya 28 Nzeri 2017 saa 07:12
Yasuwe :
0 0

Urukiko rw’i Kampala rwahamagaje umudepite uhagarariye Umujyi wa Arua, Ibrahim Abiriga ngo akurikiranweho imyitwarire idahwitse yo kwihagarika imbere ya Minisiteri y’Imari.

Uru rukiko rwasohoye urwandiko ruhamagaza depite Ibrahim kuri uyu wa Gatatu nyuma y’aho ubwe yiyemereye ko yanyaye mu marembo ya Minisiteri y’Imari.

Urwo rwandiko rutegeka Ibrahim kwitaba urukiko ku itariki ya 6 Ukwakira 2017 nk’uko inkuru ya The Daily Monitor ibitangaza.

Ubuyobozi bw’Umujyi wa Kampala bushinja depite Ibrahim icyaha cyo kwitwara nabi mu maso ya rubanda nyuma y’aho ku itariki ya 25 Nzeri ku muhanda wa Kyaggwe, imbere ya Minisiteri y’Imari.

Ihamagazwa ry’uyu mudepite rije rikurikira amashusho yakwirakwijwe ku mbuga nkoranyambaga amugaragaza yihagarika ahatemewe.

Ibrahim Abiriga yabwiye ibitangazamakuru byo muri Uganda ko icyo gihe yari akubwe bikaba ari byo byatumye yihagarika ku karubanda ndetse atiyumvisha ikibazo abantu bafite ku byo yakoze.

Ibrahim Abiriga yahamagajwe n'urukiko ngo akurikiranweho imyitwarire yo kwiharika ahatemewe
Ifoto ya depite Ibrahim Abiriga imugaragaza yihagarika imbere ya Minisiteri y'Imari

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza