Kwamamaza

Umugambi wa EU ku Burundi utumye ingabo zabwo zimara igihe mu buzima bubi

Yanditswe kuya 17-10-2016 saa 12:02' na Ntakirutimana Deus


Umuryango w’Ubumwe bw’u Burayi(EU), umwe mu baterankunga bakomeye mu bikorwa byo kubungabunga amahoro muri Somalia (AMISOM), uravuga ko uri gutegura uburyo wajya wishyura ingabo z’u Burundi ziri muri ubu butumwa, itanyujije amafaranga kuri Leta y’iki gihugu, kimwe mu byatumye izi ngabo kuri ubu zibayeho nabi.

Ubusanzwe uwo muryango wahaga u Burundi inkunga ingana na 20% by’ingengo y’imari y’iki gihugu buri mwaka, nk’uko Radio Mpuzamahanga y’Abafaransa(RFI) yabitangaje.

Gusa uyu muryango wahagaritse inkunga, ushinja u Burundi kubangamira uburenganzira bwa muntu ubwo hadukaga imvururu zakurikiye ukwiyamamaza kwa Perezida Nkurunziza muri manda ya gatatu yaje no gutorerwa.

Umuryango w’Ubumwe bw’u Burayi ukomeje gushakisha uburyo wahagarika guha leta y’u Burundi amafaranga wajyaga uyigenera ngo ihembe ingabo zayo ziri mu butumwa bw’amahoro muri Somalia(AMISOM).

Mu byumweru bitatu bishize EU iherutse kohereza amafaranga agenewe ingabo z’Umuryango wa Afurika Yunze Ubumwe ziri muri ubwo butumwa kuri konti y’uyu muryango, nk’uko biherutse kwemezwa n’Inteko rusange ya Loni yateraniye i New York.

Gusa u Bubiligi bwishyuye ibirarane byo kugeza tariki ya 16 Werurwe 2016, ubwo Umuryango w’Ibihugu by’Uburayi wafatiraga ibihano by’ubukungu u Burundi.

Kuva igihe EU yafatiye ibihano u Burundi, yahagaritse miliyoni eshanu z’amayero yatangwaga buri kwezi nk’igihembo cy’ingabo 5500 z’u Burundi ziri muri Somalia, inkunga yanyuzwaga ku ma konti ya Guverinoma y’iki gihugu. Ibi byatumye habura amafaranga yo gufasha izi ngabo.

EU yabwiye Umuryango wa Afurika Yunze Ubumwe ko iri kureba uburyo ayo mafaranga yajya ahabwa ingabo z’u Burundi ku giti cyazo adaciye mu biganza bya leta.

Leta y’u Burundi yatangaje ko hakiri kare kugira icyo yatangaza kuri icyo kibazo, cyane ko hari ibikiganirwaho hagati ya EU na AU.

Gusa hagati aho ingabo z’u Burundi ziri mu butumwa bw’amahoro muri Somalia, zimaze amezi icyenda zitishyurwa imishahara yazo.

Ingabo z'u Burundi ziri muri Somalia zimaze amezi icyenda zidahembwa

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved