Kwamamaza

Umugore wa Perezida wa Tanzania, Janeth Magufuli yajyanywe mu bitaro igitaraganya

Yanditswe kuya 10-11-2016 saa 16:27' na Tuyisenge Jean Pierre


Janeth Magufuli, Umugore wa Perezida wa Tanzania, John Pombe Magufuli, yafashwe n’indwara itunguranye ahita ajyanwa mu bitaro bikuru bya Leta bya Muhimbili biherereye mu Mujyi wa Dar es Salaam, kuri uyu wa 10 Ugushyingo 2016.

Iyi nkuru yamenyekanye nyuma y’ifoto yashyizwe hanze na Perezidansi ya Tanzania igaragaza Dr Pombe Magufuli mu cyumba cy’abarwayi cya Sewa Haji, aho umugore we arwariye gusa icyo arwaye ntikiratangazwa.

Mu Ugushyingo 2015, Perezida Magufuli amaze gutorwa, yasuye ibitaro bya Muhimbili ku buryo butunguranye ababazwa no gusanga abarwayi baryamye hasi kubera ubuke bw’ibitanda.

Icyo gihe yababajwe n’uburyo batitabwaho ndetse na bimwe mu bikoresho bikoreshwa mu gupima birimo MRI na CT-SCAN byari bimaze amezi menshi bidakora, byatumye afata icyemezo cyo guhindura bamwe mu bayobozi bakuru babyo.

Amakuru yatangajwe na Perezidansi akomeza avuga ko ubwo uyu Mukuru w’Igihugu yasuraga umugore we, yanaganirije abandi barwayi barimo uwahoze ari Ambasaderi wa Tanzania mu Bushinwa, Ramadhan Mapuri urwariye muri ibi bitaro.

Bamwe mu barwayi yasanze muri ibyo bitaro, bamushimiye ingufu yashyize mu rwego rw’ubuvuzi cyane mu bitaro bya Leta bya Muhimbili bakaba bavuga ko Serivisi zisigaye zitangwa uko bikwiye.

Janeth Magufuli yafashwe n'indwara mu buryo butunguranye ahita ajyanwa kwa muganga
Perezida Magufuli yasuye umugore we aho arwariye mu bitaro bikuru bya Muhimbili amwifuriza gukira vuba
Perezida Dr John Pombe Magufuli yasuye Ramadhan Mapuri wahoze ari Ambasaderi wa Tanzaniya mu Bushinwa, urwariye muri ibi bitaro
Perezida Dr John Pombe Magufuli yashimiye abaganga n’abaforomo bakora mu bitaro bya Muhimbili biherereye mu Mujyi wa Dar es salaam

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved