Umunyeshuri muri kaminuza yarashwe agerageza kwinjira muri Perezidansi ya Kenya afite icyuma

Yanditswe na Iradukunda Serge
Kuya 11 Kamena 2019 saa 08:01
Yasuwe :
0 0

Brian Kibet Bera wiga mu mwaka wa gatanu muri Kaminuza y’ubuhinzi n’ikoranabuhanga ya Jomo Kenyatta, yarashwe na Polisi irinda kuri Perezidansi ya Kenya, ubwo yageragezaga kuhinjira afite icyuma.

Amakuru yatanzwe na mugenzi wa Bera wiga mu mwaka wa kabiri na we muri Kaminuza ya Jomo Kenyatta, yavuze ko ku wa 15 Kamena yarahiriye kuzinjira muri perezidansi ya Kenya iri Nairobi ndetse akagirira nabi perezida.

Daily Nation yatangaje ko Bera yarashwe mu rutugu rw’ibumoso, ubu akaba arimo kuvurirwa muri Kenyatta National Hospital.

Umuyobozi wa Polisi mu gace ka Kilimani, Michael Muchiri, yavuze ko uwo musore w’imyaka 25 yarashwe ahagana saa kumi z’umugoroba. Ngo abamurashe banze gupima mu cyico kuko babonaga asa n’ufite ikibazo mu mutwe.

Ati “Yarashwe, icy’ingenzi kwari ukumuca intege. Ibiganza ni byo byagombaga kuraswa ariko isasu rifata mu rutugu. Ariko ubu ameze neza. Arimo kuvurirwa mu Bitaro Bikuru bya Kenyatta ku buryo nta kibazo gikomeye afite.”

Abazi Bera bavuga ko yari asanzwe azwiho imyitwarire idasanzwe nko kwitwaza icyuma, ndetse bavuga ko yari amaze iminsi akuwe muri group ya WhatsApp y’umuryango we kubera gutambutsa ubutumwa buvuga ko adakunda ubutegetsi buriho.

Umusore yarashwe ashaka kwinjira muri Perezidansi ya Kenya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza