Umuvugizi wa Perezida Mugabe yahakanye ko uyu muyobozi asinzira mu nama

Yanditswe na
Kuya 12 Gicurasi 2017 saa 08:11
Yasuwe :
0 0

Mu gihe ku mbuga nkoranyambaga hakomeje gucicikana amafoto ya Perezida Robert Mugabe asinziriye mu nama, Umuvugizi we yatangaje ko ibyo abantu bakeka atari byo kuko aba ahumirije kubera urumuri rwinshi.

George Charamba yatangaje ko uyu mukambwe w’imyaka 93, ahumiriza kuko amaso ye adafite ubushobozi bwo kwihanganira urumuri rwinshi.

Ati “Perezida ntabwo ashobora kwihanganira urumuri rwinshi. Muramutse mwitegereje neza, aba areba hasi kugira ngo yirinde urumuri ruhita rukubita ku maso.”

Charamba yakomeje abwira The Herald ko babazwa no kubona ibinyamakuru bishinja Mugabe gusinzira mu nama, zaba izibera mu gihugu cyangwa hanze yacyo.

Ibi abitangaje mu gihe Mugabe kuri ubu ari muri Singapore aho yagiye kwivuza, aherutse gufotorwa ameze nk’usinziriye ubwo yari yitabiriye Inama Mpuzamahanga yiga ku Bukungu,WEF, yabereye mu Mujyi wa Durban muri Afurika y’Epfo mu cyumweru gishize.

Nubwo hari abavuga ko uku gusinzira mu ruhame abiterwa no gusaza, Mugabe watangiye kuyobora Zimbabwe mu 1987 yatangaje ko ateganya kwiyamamariza indi manda.

Mugabe ngo ntabwo aba asinziye, aba ari kureba hasi

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza