Uwahoze ari Perezida wa Ethiopia yapfuye ku myaka 75

Yanditswe na HABIMANA James
Kuya 27 Mata 2019 saa 07:49
Yasuwe :
0 0

Negasso Gidada wabaye Perezida wa Ethiopia yaguye mu Budage, aho yarimo kwivuriza indwara kugeza ubu itaramenyekana.

Negasso wari ufite imyaka 75 yabaye Perezida w’iki gihugu kuva mu 1995 kugeza 2001.

Niwe wabaye umukuru w’igihugu wa mbere nyuma y’aho hatowe itegeko nshinga ryongerera ubushobozi intara z’iki gihugu.

Ethiopia iyoborwa na Minisitiri w’Intebe ariko ikagira umukuru w’igihugu ugaragara nk’uw’icyubahiro gusa.

Mu 2015 Negasso yatowe mu nteko ishinga amategeko nk’umukandida wigenga ariko nyuma y’imyaka itatu yagiye mu batavuga rumwe na leta.

Mu babajwe n’urupfu rw’uyu muyobozi harimo Perezida wa Komisiyo ya Afurika Yunze Ubumwe, Moussa Faki Mahamat, wavuze ko yamenye urupfu rw’uyu muyobozi, avuga ko yifatanyije n’umuryango we, abaturage n’igihugu cya Ethiopia muri rusange.

Negasso Gidada wabaye Perezida wa Ethiopia yaguye mu Budage aho yarimo kwivuriza indwara kugeza ubu itaramenyekana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza