Zimbabwe: Inzego z’umutekano zarashe mu bigaragambije nyuma y’amatora

Yanditswe na Bukuru JC
Kuya 2 Kanama 2018 saa 07:50
Yasuwe :
0 0

Nyuma y’itangazwa ry’ibyavuye mu matora yo ku wa Mbere, tariki ya 30 Nyakanga 2018, abatavuga rumwe n’ishyaka riri ku butegetsi Zanu-PF muri Zimbabwe bagiye mu myigaragambyo bamagana ko ari ryo ryegukanye imyanya myinshi mu Nteko Ishinga Amategeko.

Komisiyo y’Amatora yatangaje ko Zanu-PF yegukanye imyanya 109 kuri 210 ihatanirwa; ishyaka rikomeye ritavuga rumwe n’ubutegetsi ‘MDC’ ribona 41.
RFI yatangaje ko amagana y’abatavuga rumwe n’ubutegetsi bagiye imbere y’ibiro by’ahabarurirwa amajwi, Polisi ikabahakura ku ngufu.

Igisirikare nacyo cyahise gitatanya icyo kivunge mu murwa mukuru Harare, kibarasaho umwe yitaba Imana, undi akomeretswa n’isasu mu nda.

Abigaragambya bavuga ko habaye uburiganya mu matora. Ibi bibaye mu gihe amajwi y’abazajya mu Nteko yatangajwe, haracyategerejwe cyane ay’Umukuru w’Igihugu.

Aya matora muri Zimbabwe ni aya mbere nyuma y’uko umukambwe Robert Mugabe avanywe ku butegetsi agasimburwa na Emmerson Mnangagwa mu Ugushyingo 2017, uyu akaba ari umukandida wa Zanu-PF.

Perezida wa Komisiyo y’Amatora muri Zimbabwe, Priscilla Chigumba, yatangaje ko igihe kitaragera cyo gutangaza amajwi y’ibyavuye mu matora ya Perezida ariko avuga ko bitangazwa vuba.

Chigumba yavuze ko amajwi agomba gutangazwa nyuma y’aho abakandida bose uko ari 23 bamaze kugenzura amajwi yabo.

Batwitse ibintu bitandukanye mu mihanda y'i Harare
Abigaragambya bamaganye ibyavuye mu matora y'abadepite bavuga ko ishyaka ritavuga rumwe n'ubutegetsi ryibwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza