Kwamamaza

Ban Ki-moon yashyizeho ake asaba M23 kuva muri Goma

Yanditswe kuya 27-11-2012 saa 12:50' na Emile Nsabimana
     


Umunyamabanga mukuru wa Loni Ban Ki-moon, arahamagarira ingabo z’Umutwe wa M23 gufasha intwaro hasi kandi zikava mu mujyi wa Goma mu kubahiriza imyanzuro y’inama ya Kampala yo ku wa 24 Ugushyingo 2012.
Ku wa gatandatu ushize mu nama mpuzamahanga ku Biyaga Bigari, abakuru b’ibihugu bya Repubulika Iharanira Demokarasi ya Congo, Uganda, Tanzania na Kenya bashyize ahagaragara itangazo rihamagarira izi nyeshyamba kuva mu mujyi wa Goma hanyuma Leta ya Kinshasa ikareba uko isubiza ibyifuzo bya M23. (...)

Umunyamabanga mukuru wa Loni Ban Ki-moon, arahamagarira ingabo z’Umutwe wa M23 gufasha intwaro hasi kandi zikava mu mujyi wa Goma mu kubahiriza imyanzuro y’inama ya Kampala yo ku wa 24 Ugushyingo 2012.

Ku wa gatandatu ushize mu nama mpuzamahanga ku Biyaga Bigari, abakuru b’ibihugu bya Repubulika Iharanira Demokarasi ya Congo, Uganda, Tanzania na Kenya bashyize ahagaragara itangazo rihamagarira izi nyeshyamba kuva mu mujyi wa Goma hanyuma Leta ya Kinshasa ikareba uko isubiza ibyifuzo bya M23.

Icyakora umuyobozi muri M23 mu rwego rwa politiki Jean-Marie Runiga Lugerero, yavuze kuri iki cyumweru ko kuva muri Goma bizakorwa gusa "ari uko habaye imishyikirano ibisaba".

Uwo munsi Leta ya Congo yatangaje ko M23 igomba kuva muri Goma kandi ko ari "itegeko ridasubizwa inyuma", bigakorwa mbere y’uko haba imishyikirano nk’uko BBC ibitangaza.

Icyakora biragoye kumenya neza niba imishyikirano koko yari yiteguwe. Perezida Joseph Kabila ku cyumweru bucyeye inama ya Kampala yaraye ibaye yasubiye i Kinshasa nta muntu n’umwe uhagarariye M23 babonanye nk’uko amakuru yatanzwe n’umwe mu bakozi bo mu biro bya Perezida wa Congo yabigaragarije BBC.

Ku wa gatandatu umunsi umwe mbere y’uko Kabila asubira i Kinshasa byari biteganyijwe ko Kabila abonana na Rugigana Lugerero mu rwego rw’ubuhuza bwari bwateguwe n’umukuru wa Uganda Yoweri Kaguta Museveni.

Imiryango itegamiye kuri Leta yagaragaje impungenge y’uko uburenganzira bwa muntu bushobora kurushaho kubangamirwa, na cyane ko ibihumbi by’Abanyekongo bataye ibyabo ubwo M23 yafataga Goma.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved