Baretse amazi y’iwabo bahitamo kwinywera ay’u Rwanda

Baretse amazi y’iwabo bahitamo kwinywera ay’u Rwanda


Yanditswe kuya 23-03-2012 - Saa 10:24'

Bamwe mu batuye mu Burasirazuba bwa Repubulika Iharanira Demokarasi ya Congo bafashe umwanzuro wo kujya binywera amazi aturuka mu Rwanda aho kunywa ay’iwabo, kuko ngo ashobora kubagiraho ingaruka byongeye kandi ngo amazi aturuka mu Rwanda arahendutse cyane.

Mu bice bitandukanye by’iki gihugu bugarijwe bikomeye n’indwara ya Kolera, bityo bamwe mu batuye igice cy’iburasirazuba bakaba barahisemo kujya binywera amazi yo mu macupa ya plasitiki ava mu Rwanda kuko ngo ariyo meza kandi yizewe kurasha aya za robine z’iwabo ubusanzwe bakunze gukoresha mu buzima bwa buri munsi.

Umunyabukavu waganiriye n’urubuga 7sur7 dukesha iyi nkuru yagize ati:”ikarito imwe igura amadolari 9 mu Rwanda bivuze ko ihendutse”.

Akomeza avuga ko impamvu bahitamo kunywa amazi yo mu Rwanda atari uko iwabo ntayahakorerwa ahubwo ngo ayakorerwa muri Kivu y’Amajyepfo aza ari ku madolari 15.

Gusa ibi leta ya Congo by’umwihariko abayobozi bo mu duce tw’iburasirazuba barabibona nk’ikibazo gikomeye ndetse basezeranya Abanyecongo gushakira umuti iki kibazo vuba bidatinze.

Hejuru ku ifoto: Amwe mu mazi akorerwa mu Rwanda n’Uruganda Inyange

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO