Centrafrique: Bozizé yashinje Tchad kumuhirika ku butegetsi

Yanditswe na Mathias Hitimana
Kuya 3 Mata 2013 saa 09:35
Yasuwe :
0 0

Ubwo kenshi bijya bivugwa ko nta mutwe witwara gisirikare upfa guhirika ubutegetsi buriho mu gihugu nta bufasha buturutse hanze, uwari perezida wa Centrafrique François Bozizé uheruka guhirikwa ku butegetsi n’inyeshyamba z’umutwe wa Séléka, ashinja igihugu cya Tchad kuba aricyo cyawufashije.
Bozizé yatangarije BBC Afrique nk’uko Jeune Afrique ibitangaza, ko umutwe wa Séléka wafashe ibiro bya perezida ku Cyumweru tariki ya 24 Werurwe 2013, ufashijwe na Tchad.
Bozizé yahamije ko Tchad (...)

Ubwo kenshi bijya bivugwa ko nta mutwe witwara gisirikare upfa guhirika ubutegetsi buriho mu gihugu nta bufasha buturutse hanze, uwari perezida wa Centrafrique François Bozizé uheruka guhirikwa ku butegetsi n’inyeshyamba z’umutwe wa Séléka, ashinja igihugu cya Tchad kuba aricyo cyawufashije.

Bozizé yatangarije BBC Afrique nk’uko Jeune Afrique ibitangaza, ko umutwe wa Séléka wafashe ibiro bya perezida ku Cyumweru tariki ya 24 Werurwe 2013, ufashijwe na Tchad.

Bozizé yahamije ko Tchad yamuhiritse ku butegetsi ati " Kuwa 23 Werurwe twari twaciye intege ingabo za Séléka ariko bigeze mu ijoro ryo kuwa Gatandatu kuwa 23 rishyira ku Cyumweru kuwa 24 , dushobora kwemeza ko hari ubufasha bwaturutse mu gihugu cya Afurika, ndahamya ntashidikanya ko ari Tchad".

Bozize avuga ko ari ingabo zidasanzwe zo muri Tchad zayoboye igitero cyo ku cyumweru mu murwa mukuru i Bangui.

Akomeza agaragaza ko yatunguwe n’uko Tchad yamuhiritse kandi hari hasanzwe umubano mwiza hagati yabo.

Tchad nk’igihugu cy’igituranyi cya Centrafrique, yari yafashije François Bozizé guhirika ubutegetsi bwariho mu 2003.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza