Congo: Ba mukerarugendo babiri  bari bafashwe bugwate na FDLR batabawe na MONUSCO

Congo: Ba mukerarugendo babiri bari bafashwe bugwate na FDLR batabawe na MONUSCO


Yanditswe kuya 16-01-2013 - Saa 10:01' na Marie Chantal Nyirabera

Ba mukerarugendo babiri bo mu Budage na Australia bari bafashwe bugwate bitemberera n’inyeshyamba zo mu mutwe wa FDLR batabawe n’ ingabo za Loni zishinzwe kubungabunga amahoro muri Repuburika Iharanira Demukarasi ya Congo (MONUSCO).

Abo bamukerarugendo nk’uko urubuga allafrica.com rwabitangaje, bafashwe ku wa 6 Mutarama 2013 ku birometero 80 mu Majyaruguru ya Goma muri Congo ahitwa Kisheguru i Rutshuru.

Itangazo rya MONUSCO ritangaza ko bashimuswe n’inyeshyamba za FDLR, bakorerwa ibikorwa by’urugomo n’ubwambuzi.

Aba bamukerarugendo babiri bambuwe amafaranga asaga amadolari 4000 (asaga miliyoni ebyiri n’igice y’u Rwanda) bibwa ibyangombwa byabo, mudasobwa n’ibikoresho byerekana ibyerekezo by’ahantu.

Ubugizi bwa nabi n’ubwambuzi bukorwa n’inyeshyamba zo mu mutwe wa FDLR bukunze kwibasira abasivili.

Inyeshyamba za FDLR ziri mu mashyamba ya Congo Kinshasa zigizwe na bamwe bashijwa kuba barahunze u Rwanda bamaze gukora Jenoside yakorewe Abatutsi mu 1994.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO