Congo: Umutwe wiyise M26 ukomeje guhungabanya umutekano

Yanditswe na Rene Anthere Rwanyange
Kuya 23 Mutarama 2013 saa 10:01
Yasuwe :
0 0

Mu Burasirazuba bwa Congo mu ntara ya Kivu mu karere ka Masisi, mu birometero 100 uvuye mu mujyi wa Goma, haravugwa ishingwa ry’umutwe wiyise M26 bivugwa ko watangiye guhungabanya umutekanow’abaturage batuye muri ako gace.
Uyu mutwe wa M26 ngo ugizwe ahanini n’abarwanyi ba Nyatura na FDLR, wibasiye cyane ibigo by’amashuri aho uvana abana ukabajyana mu bikorwa bya Gisirikare nk’uko bitangazwa na bamwe mu bayobozi bo muri ako karere.
Abarimu n’abayobozi b’ibigo by’amashuri mu gace ka Mpati, ngo (...)

Mu Burasirazuba bwa Congo mu ntara ya Kivu mu karere ka Masisi, mu birometero 100 uvuye mu mujyi wa Goma, haravugwa ishingwa ry’umutwe wiyise M26 bivugwa ko watangiye guhungabanya umutekanow’abaturage batuye muri ako gace.

Uyu mutwe wa M26 ngo ugizwe ahanini n’abarwanyi ba Nyatura na FDLR, wibasiye cyane ibigo by’amashuri aho uvana abana ukabajyana mu bikorwa bya Gisirikare nk’uko bitangazwa na bamwe mu bayobozi bo muri ako karere.

Abarimu n’abayobozi b’ibigo by’amashuri mu gace ka Mpati, ngo bahisemo gufunga ibigo batinya ko abarwanyi bo mu mitwe ya M26, FDLR, PARECO na Nyatura baza kubatera, mu gihe ngo amashuri yagombaga gufunga muri Nyakanga uyu mwaka.

Aba baturage kandi batangarije BBC ko abayobozi b’uyu mutwe, bajya no mu nkambi z’impunzi bagakuramo abana n’abasore bityo bakabajyana mu gisirikare.

Umuvugizi wa M26 Fazil Mugabo, yatangaje ko ibyo aba bayobozi bavuga ko batwara abana bo mu mashuri ari ibinyoma kuko ngo abenshi mu baza muri uyu mutwe, ntawe ubahata kubera ko ngo bazi ko barwana n’umwanzi ari we Leta ya Joseph Kabila, kandi ngo iyo haje abana b’abanyeshuri babasubiza kwiga.

Umutwe wa M26, wavutse ku itariki ya 26 Ukwakira umwaka ushize, nyuma ngo yo kwangirwa kwinjizwa mu ngabo za Leta ya Congo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza