Hillary Clinton yasabye Sudani zombi kumvikana

Mu rugendo rw’iminsi isaga icumi agirira mu bihugu byo muri Afurika, Hillary Clinton kuri uyu wa Gatanu tariki ya 3 Kanama, yatangarije abo muri Sudani y’Amajyepfo mu Murwa mu kuru wa Juba ko habaho ubwumvikane mu bihugu byombi bya Sudani.

Amakuru dukesha afrik.com avuga ko Umunyamabanga wa Leta y’Amerika yanagiranye ibiganiro na Perezida Salva Kiir wa Sudani y’Amajyepfo hamwe na Minisitiri waho w’Ububanyi n’Amahanga Nhial Deng Nhial.

Ibiganiro byabo byagarutse ku bwumvikane bw’ibihugu byombi bya sudani y’amajyepfo na Sudani.

Yabwiye abanyamakuru ko ibihugu byombi bigomba gukora iyo bwabaga bigakemura ibibazo byabyo mu nzira ngufi hubahirizwa amasezerano.