Imirwano yongeye kubura mu Ntara ya Kivu y’Amajyaruguru muri Repubulika Iharanira Demokarasi ya Congo, aho ingabo z’igihugu FARDC zakozanyijeho kakahava n’umutwe wiyise M23.
Iyi mirwano yafashe hafi umunsi wose kuri uyu wa Kane yatewe n’uko inyeshyamba za M23 zigaruriye agace kitwa Mbuzi gaherereye mu bilometero hafi 50 mu majyaruguru ya Goma, ndetse bashaka no kwigarurira ikigo cya gisirikare cya Rumangabo, ingabo za Leta zahise zigaba ibitero simusiga mu birindiro bya M23 mu rwego rwo kugirango bayishegeshe.
Amakuru Dukesha ibiro ntaramakuru by’Abafaransa (AFP) avuga ko ingabo z’igihigu za FARDC nyuma y ‘iyo mirwano zatangaje ko ubu ziri kugenzura tumwe mu duce twari twarigaruriwe n’abaranyi ba M23 nk’ahitwa Runyoni, ahantu hari ibirindiro bikomeye by’ingabo za M23 akaba ari mu misozi Ituriye hafi y’umupaka w’u Rwanda.
Nubwo ingabo za leta ya Congo Kinshasa FARDC zitabaje indege za kajugujugu z’intamabara n’izindi ntwaro zikomeye, ntabwo byazorohereye gutsimbura abarwanyi ba M23 mu birindiro byabo.
Hagati aho abaturage bo bakomeje guhunga imirwano irimo ibera muri iki gihugu, kuva iyi mirwano yatangira kugeza ubu Umuryango w’abibumbye (UN) uratangaza ko abaturage basaga ibihumbi 200 bakuwe mu byabo n’intamabara ikomeje kubera muri iki gihugu.
IKINYARWANDA
IKIRUNDI
ENGLISH
FRANÇAIS
Ahabanza
Abo Turibo
Serivisi
Twandikire
Ibirimo
