Libiya: 26 ntibahiriwe no guhunga Afurika berekeza i Burayi

Yanditswe na Rene Anthere Rwanyange
Kuya 30 Ukuboza 2012 saa 10:55
Yasuwe :
0 0

Amakuru aturuka mu gihugu cya Libiya, aratangaza ko abantu 23 bakomoka muri Somaliya na 3 bakomoka muri Eritereya, baguye mu mpanuka y’imodoka ubwo bageragezaga kwerekeza ku mugabane w’u Burayi, banyuze muri Libiya.
Amakuru dukesha igitangazamakuru africareview, atangaza ko aba bitabye Imana, biganjemo abagore n’abana, bashatse kunyura i Tripoli, umurwa mukuru wa Libiya, aho bizeraga ko nyuma yo guca mu butayu bwa Libiya, bambukana amazi magari bityo bakajya gushaka ubuzima ku mugabane w’u (...)

Amakuru aturuka mu gihugu cya Libiya, aratangaza ko abantu 23 bakomoka muri Somaliya na 3 bakomoka muri Eritereya, baguye mu mpanuka y’imodoka ubwo bageragezaga kwerekeza ku mugabane w’u Burayi, banyuze muri Libiya.

Amakuru dukesha igitangazamakuru africareview, atangaza ko aba bitabye Imana, biganjemo abagore n’abana, bashatse kunyura i Tripoli, umurwa mukuru wa Libiya, aho bizeraga ko nyuma yo guca mu butayu bwa Libiya, bambukana amazi magari bityo bakajya gushaka ubuzima ku mugabane w’u Burayi.

Ambasaderi wa Somaliya muri Libiya, Abdigani Mohamed Wa’ays, yatangaje ko iyi kamyo yari itwaye aba bantu 120 ndetse n’imifuka ya Sima, yarenze umuhanda kubera umuvuduko no kuba ipakiye birengeje urugero, bituma iyo mpanuka ihitana ubuzima bwa bamwe mu bari bayirimo.

Yakomeje agira ati “Nyuma y’aho inzego z’umutekano muri Libiya zitahuriye ko aba batoroka umugabane w’Afurika bakoreshaga imodoka zitwaye ibyatsi bakishamo, ubu basigaye bakoresha imifuka ya sima kugira ngo polisi itabatahura.”

Abaturage batandukanye bakomoka mu bihugu byo mu majyarugu ya Afurika no mu ihembe ryayo, bavuga ko bahungira ku mugabane w’u Burayi, kubera ibibazo by’inzara ndetse n’intambara, ariko kugerayo ugasanga bibagora kuko abenshi barohama mu nyanja ya Mediterane (Mediterranean Sea).


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza