Malawi igiye kujyana Tanzania mu rukiko

Malawi igiye kujyana Tanzania mu rukiko


Yanditswe kuya 2-04-2013 - Saa 09:57' na Emmanuel Kanamugire

Perezida wa Malawi Joyce Banda yatangaje ko igihugu ke kirambiwe gutegereza ibiganiro mu gukemura amakimbirane ku mipaka y’igihugu cye na Tanzania, ikibazo kikaba kigiye kugezwa mu rukiko.

Ku makimbirane ya Tanzania na Malawi ashingiye ku kiyaga cya Malawi cyatangajwe ko harimo peteroli, Perezida Banda yatangarije abanyamakuru kuri uyu wa mbere avuye mu ruzinduko muri Leta Zunze Ubumwe za Amerika n’Ubwongereza ko agiye kwitabaza inkiko.

Nk’uko tubikesha Al Jazeera, Banda yagize ati “Turabona ko dukwiye kugeza ikirego mu rukiko tudakomeje gutakaza igihe dutegereje ibiganiro.”

Yavuze ko igikorwa cy’ubuhuza cyahawe Joachim Chissano wahoze ari umukuru wa Mozambique cyabangamiwe n’uko amakuru Malawi yatanze atahawe agaciro aho umunyamabanga nshingwabikorwa w’umuryango w’ibihugu byo mu muryango SADC John Tesha, ukomoka muri Tanzania akekwaho kutagaragaza amwe mu makuru yatanzwe.

Amakimbirane ibihugu byombi bifitanye ku kiyaga cya Malawi cyamaze kugaragaramo Peteroli, Malawi ivuga ko ikiyaga cyose ari icyayo hashingiwe ku masezerano yo mu w’1890, naho Tanzania ikabigarama ivuga ko igice kimwe cy’icyo kiyaga kirimbibi zayo, ibiganiro byabaye bikaba nta cyo byagezeho.

Joyce Banda yasuye Amerika
Perezida wa Malawi Joyce Banda na Perezida wa Tanzania, Jakaya Mrisho Kikwete
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO