Mali : Abaterankunga bagiye gufasha mu kubaka igihugu

Yanditswe na Rene Anthere Rwanyange
Kuya 29 Mutarama 2013 saa 06:15
Yasuwe :
0 0

Abaterankunga batandukanye bahuriye ku cyicaro cy’Umuryango wa Afurika Yunze Ubumwe i Addis Abeba kuri uyu wa kabiri tarika ya 29, Mutarama 2013, kugirango barebe uko bafasha igihugu cya Mali haba ku bukungu no koherezayo ingabo.
Nk’uko Jeuneafrique yabitangaje ngo muri iyi nama , Perezida wa Cote d’ivoire yavuze ko bigiye hamwe ibijyanye no gufasha ingabo zitandukanye zaje mu gikorwa cyo kugarura amahoro muri icyo gihugu no kongera kubaka igisirikare.
Bimwe mu bihugu byari (...)

Abaterankunga batandukanye bahuriye ku cyicaro cy’Umuryango wa Afurika Yunze Ubumwe i Addis Abeba kuri uyu wa kabiri tarika ya 29, Mutarama 2013, kugirango barebe uko bafasha igihugu cya Mali haba ku bukungu no koherezayo ingabo.

Nk’uko Jeuneafrique yabitangaje ngo muri iyi nama , Perezida wa Cote d’ivoire yavuze ko bigiye hamwe ibijyanye no gufasha ingabo zitandukanye zaje mu gikorwa cyo kugarura amahoro muri icyo gihugu no kongera kubaka igisirikare.

Bimwe mu bihugu byari byayitabiriye byiyemeje kwerekana uruhare rwabyo mu gushyigikira Mali mu nzira yo kigaruramo amahoro.

Perezida Alassane Ouattara yabwiye abari aho ko ingabo zigera ku 8000 zigomba koherezwa muri Mali ndetse hakanagenwa na miliyoni zigera kuri 950 z’amadolari y’Amerika agomba gukoreshwa mu kongera kubaka icyo gihugu no kurwanya iterabwoba rireba buri wese.

ONU muri iki gikorwa igiye gushyiraho ibigega bibiri harimo kimwe kigamije guhurizwamo inkunga yo gufasha abagize Misma n’ikindi kizahurizwamo azafasha igisirikare cya Mali.

Mu bazatanga aya mafaranga, u Buyapani bwemeye kuzatanga amadolari agera kuri miliyoni 120 azafasha mu bikorwa by’ ibice bya Mali na Sahel.

Mu rwego kandi rwo gufasha iki gihugu, abahagarariye ingabo muri Afurika y’Iburengerazuba bavuze ko bagiye gushyiraho igisirikare gikomeye kizava ku bihumbi bine kikagera ku 5700. Afurika Yunze Ubumwe igomba gutanga 10% by’amafaranga yo gufasha abasirikare baje mu butumwa muri iki gihugu (Misma).

Bimwe mu byavugiwemo harimo kurwanya iterabwoba nk’uko byavuzwe na Perezida wa Mali uri mu nzibacyuho Dioncounda Traoré, yabwiye abari aho iyi nama igitangira ko bayijemo ngo bashakire hamwe igishoboka mu kurwanya iterabwoba mpuzamahanga ryo mwanzi rusange.

Na ho minisitiri w’intebe we, Tieman Coulibaly ushinzwe ububanyi n’amahanga yabwiye abari aho ko Isi yahuriye muri iyo nama ngo ikore icyiza kuri Mali.

Iyi nama yari ihuriyemo ibihugu byo ku mugabane w’Afurika, ibyo mu murya w’Ubumwe bw’ u Burayi , u Buyapani na Leta Zunze Ubumwe za Amerika.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza