Mali : Al-Qaeda yabujije amaradio gucuranga indirimbo zitavuga inyigisho ya islamu

Abaturage bo mu majyaruguru y’igihugu cya Mali ahigaruriwe n’abayislamu bategetswe kumva indirimbo z’idini ya Islam ku maradiyo yose yigenga, bakurikije itegeko rya Sharia kuko bavuga ko izindi ndirimbo ari iza Satani.

Iryo tegeko ryongeye gusohoka ku wa Gatatu tariki ya 22 Kanama, bavuga ko indirimbo zemewe ari izifite imirongo yo muri Korowani

Africa review dukesha iyi nkuru ivuga ko, indirimbo bita iza satani ziganjemo izaririmbwe na Madonna, Rihanna cyangwa Youssou Ndour, n’izindi zose zitahimbwe n’abayislamu.

Abamujahideen baravuze bati “Guhera uyu munsi nta radiyo izongera gucuranga indirimbo zo mu Burayi n’Amerika”. Babivuze bafata ingero z’ahantu hasigaye hagenzurwa n’ingabo za Al-Qaeda mu gihe cy’amezi 5. Umuvugizi w’abamujahideen Kader yavuze ko iryo ari itegeko ry’Imana.

Kader yongeyeho ati “Twamaze kubisaba abayobozi b’amaradiyo.” Yongeraho ati “Ntitugishaka kumva indirimbo za Satani”.