Nigeria : Abantu 18 bahitanwe n’igitero cya Boko Haramu

Nigeria : Abantu 18 bahitanwe n’igitero cya Boko Haramu


Yanditswe kuya 23-01-2013 - Saa 10:30' na James Habimana

Amakuru ava mu gihugu cya Nigeria, aravuga ko abantu barenga 18 biciwe muri iki gihugu bahitanwe n’umutwe wa Boko Haramu ugendera ku matwara akaze y’idini ya Islam.

Inzego z’umutekano muri iki gihugu, zatangarije BBC ko ubu bwicanyi bwabereye mu majyaruguru ya Nigeria, aho abakiguyemo abenshi ngo bari abahigi.

Abayobozi muri iki gihugu, batangaje ko ngo impamvu nyamukuru yatumye abayoboke ba Boko Haramu bahitana aba bahigi, ari uko ngo wasangaga bahiga zimwe mu nyamanswa zirimo ingurube kandi nyamara bo babifata nk’icyaha gikomeye.

Umutwe wa Boko Haramu ukunze kwibasira tumwe mu duce twa Nigeria turimo Kano, aho wo wifuza ko iki gihugu cyagendera ku matwara akaze ya Islam kandi ukanga urunuka ibihugu by’i Burayi.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO