Nigeria: Boko Haram yahitanye abakirisitu 15

Nigeria: Boko Haram yahitanye abakirisitu 15


Yanditswe kuya 31-12-2012 - Saa 10:22' na Emmanuel Kanamugire

Abakirisitu 15 bahitanywe n’igitero cyagabwe mu majyaruguru ya Nigeria, hafi y’agace kigaruriwe n’umutwe wa Boko Haram ku wa gatanu w’icyumweru dushoje.

Inkuru dukesha Ibiro Ntaramakuru by’Abafaransa AFP, ivuga ko imiryango yita ku burenganzira bwa muntu yatangaje kuri iki cyumweru ko iki gitero cyahitanye abantu 15, nyamara Leta ya Nigeria yo ikemera batanu bonyine.

Muri abo bapfuye harimo umupolisi wo mu muhanda n’abasivile 14, bose b’abakirisitu.

AFP bivuga ko ubu bugizi bwa nabi bwashyize mu majwi umutwe wa kiyisilamu wa Boko Haram ukomeje kugaba ibitero bihitana abatari bake, aho abagera ku bihumbi bitatu bamaze gupfa kuva mu mwaka wa 2009.

Umukuru w’igihugu cya Nigeria Godluck Jonathan ashinja Boko Haram ikunze kugaba ibitero ku nsengero, gushaka gushoza intambara ishingiye ku madini.

Nigeria ni igihugu gituwe cyane muri Afurika, gifite abaturage bagera kuri miliyoni 160.Igice cy’Amajyaruguru gituwe n’abayisilamu naho Amajyepfo agaturwamo n’abakirisitu.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO