Nigeria : Umuyobozi wa Boko Harama ishinjwa guhora yivuga abantu yatawe muri yombi

Igisirikare cya Leta ya Nigeria cyatangaje ko cyataye muri yombi umuyobozi w’abarwanyi b’intagondwa za kiyisilamu bo mu mutwe wa Boko Haram.

BBC dukesha iyi nkuru iratangaza ko Mohammed Zangina yafatiwe mu karere k’Amajyaruguru y’Uburasirazuba mu Mujyi wa Maiduguri ku wa Gatandatu w’icyumweru dushoje.

Itangazo ryashyizwe ahagaragara n’igisirikare cya Leta rivuga ko Zangina, uzwi ku izina rya Mallam Abdullahi na mugenzi we Alhaji Musa, ngo bateguraga kugaba igitero simusiga ku basivile n’abashinzwe umutekano bakoreraga muri ako gace.

Zangina kandi ngo yari umukuru wa Boko Haram mu karere k’Amajyaruguru yo hagati muri Nigeria akaba n’umuyobozi w’ibitero by’ubwiyahuzi n’ibisasu byatewe mu mujyi wa Abuja, Kaduna, Kano, Jos na Potiskum, byakomeje kugenda bitwara ubuzima bw’abantu biganjemo abakirisitu.