Uganda : Kurya ibyo bihingiye bimaze kuba igitekerezo kuri bo

Uganda : Kurya ibyo bihingiye bimaze kuba igitekerezo kuri bo


Yanditswe kuya 18-11-2012 - Saa 14:56' na James Habimana

N’ubwo igihugu cya Uganda ngo gifatwa nk’ikigega cy’ibiribwa muri aka karere, ubushakashatsi bwakozwe n’ikigo gishinzwe ubushakashatsi ku mirire kivuga ko abataruge bagera kuri 70% bagura ibyo barya mu masoko y’iki gihugu.

Amakuru dukesha ikinyamakuru The Daily Monitor cyo muri iki gihugu kiravuga ko ubu bushakashatsi bugaragaza ko abaturage bagera gusa kuri 30% aribo bonyine bashobora kurya ibyo bihingiye.

Dr Sarah Ssewanyana uyobora uyu muryango mu gihugu cya Uganda, atangaza mu baturage ba Uganda, abantu 13% gusa aribo batuye mu mijyi n’aho abarenga 80% bakaba batuye mu bice by’icyaro bityo ibi ngo bikaba byerekano ko n’ubwo ubuhinzi bushingira mu cyaro, ariko bigaragara ko ubuhinzi muri iki gihugu bukiri hasi cyane.

Ssewanyana kandi avuga ko ibi biterwa n’uko ngo usanga abaturage ba Uganda bahinga ibihingwa bike bityo n’ibyo bejeje ugasanga bidashobora guhaza ingo zabo ahubwo nabo bakajya guhahira ku masoko.Ssewanya yasabye Leta ya Uganda kwongera ingufu mu gutanga inama mu bahinzi kugira ngo ikibazo kigabanuke.

Icyegeranyo cyo mu mwaka wa 2012 cyerekana ko ibihugu bya Uganda, Kenya na Tanzaniya byashyizwe mu mubare w’ibihugu bifite abaturage bafite inzara naho u Rwanda rwo rushyirwa mu bihugu ngo bifite abaturage bafite inzara iri hejuru cyane n’ubwo abashinzwe ubuhinzi muri ibi bihugu bo bavuga ko ataribyo ngo ahubwo bagerageje kuyihashya bigaragara.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO