Uganda : Umuryango w’abantu 4 wahitanwe n’impanuka y’imodoka

Mu gihugu cya Uganda, haravugwa impanuka ikomeye y’imodoka yabereye ku muhanda Soroti-Katawi, aho yahitanye abantu bane bose bakomokaga mu muryango umwe.

Ababyiboneye n’amaso, batangarije Ikinyamakuru The New Vision ko iyi mpanuka yabaye ubwo imodoka yo mu bwoko bwa Toyota Landa Cruiser, yarengaga umuhanda nyuma ikagonga igiti ari na byo byatumye ifatwa n’inkongi y’umuriro nyuma abantu bagera kuri bane barimo bose bakaba nta wabashije kuyirokoka.

Umuyobozi wa Polisi mu gace ka Amuria iyi mpanuka yabereye, yatangarije Ikinyamakuru The New Vision ko abo baguye muri iyi mpanuka, barimo uwitwa Janet Florence Aguti wari wungirije umukuru w’Uburezi mu mujyi wa Kampala, mushiki we witwa Christine Akwi, Margaret Icoroti na Daniel Okedi bose bakomaga mu Muryango umwe.