Uganda : Yakaswe ubugabo bwe

Uganda : Yakaswe ubugabo bwe


Yanditswe kuya 14-03-2013 - Saa 19:14' na Olivier Rubibi

Umugabo w’umucuruzi w’Umugande, Fredrick Kayondo, wakoreraga i Juba muri Sudani y’Amajyepfo, yakaswe ubugabo bwe ubwo yagwaga mu gico cy’abagabo bo mu bwoko bwa ba Dinka bamuziza gucudika n’Umunyasudanikazi wo muri ubwo bwoko.

Ikinyamakuru New Vision cyatangaje ko Kayondo ubu uri mu bitaro bya Mulago muri Uganda, yahohotewe ubwo yari atashye ahashyira saa saba z’ijoro agwa mu gico cy’abagabo b’Abanyasudani bo mu bwoko bw’abadinka baramwirukankana bamukata ubugabo bwe.

Mbere yo kumuca ubugabo bwe, Kayondo ngo yabanje kwirukanka abonye aba bagabo bashaka kumufata, bamwirukaho bari kuri moto bamukubita ikintu mu mutwe yikubita hasi ata ubwenge bamukata ubugabo bwe.

Kayondo ngo yaje kuzanzamuka ariko yumva ububarere bwinshi ahagana ku gitsina, akozeho asanga nta bugabo bukiriho.

Muri ibi bizazane byose Kayondo ngo ntiyabonye umutabara kugeza mu gitondo ubwo abajya kukazi aribo bahamusanze bahita bamujyana ku bitaro by’I Juba muri Sudani y’Amajyepfo, nabyo bimwohereza ku bya Mulago muri Uganda.

Kayondo avuga ko uwo mugore wo mu bwoko bw’abadinka bamushinja akugirana umubano , ari umukobwa utarashaka, ndetse ngo yanibonaniye n’ababyeyi be ku mugaragaro, ariko yaje gutungurwa no kumva ashinjwa ko afitanye umubano n’umugore w’abandi.

Dr. Charles Kasozi wo mu bitaro bya mulago yavuze ko Kayondo atakongera kubyara ukundi, gusa ngo ubundi buzima busanzwe buzakomeza.

Fredrick Kayondo yari afite undi mugore w’Umugande bafitanye abana batatu.

Yakaswe ubugabo ntazongera kubyara
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO